ദുരിതബാധിത പ്രദേശങ്ങളിൽ പ്രവർത്തിക്കുന്ന ഹെലികോപ്ടറുകൾക്ക് ഇന്ധനം നിറയ്ക്കാൻ കൊല്ലം , പത്തനംതിട്ട ,ആലപ്പുഴ , കൊച്ചി ഐ എൻ എസ് നേവൽ സ്റ്റേഷൻ, തൃശ്ശൂർ എന്നിവിടങ്ങളിൽ താത്കാലിക സംവിധാനം ഒരുങ്ങുന്നു. ഇതിനുള്ള അനുമതി ഇന്ത്യൻ ഓയിൽ കോർപറേഷന് എയർ ഹെഡ് ക്വാർട്ടേഴ്‌സ് നൽകി. നിലവിൽ മറ്റ് ജില്ലകളിലെ ദുരിതബാധിത പ്രദേശങ്ങളിൽ പ്രവർത്തിക്കുന്ന ഹെലികോപ്ടറുകൾക്ക് ഇന്ധനം നിറയ്ക്കാൻ കൊച്ചിയിലേക്ക് മടങ്ങി വരേണ്ട സാഹചര്യമാണ്. മണിക്കൂറുകളാണ് ഇതുമൂലം നഷ്ട്ടമാകുന്നത്.പുതിയ സംവിധാനം ഒരുങ്ങുന്നതോടെ രക്ഷാപ്രവർത്തനം കൂടുതൽ വേഗത്തിലാകുമെന്ന് ദുരിതാശ്വാസ പ്രവർത്തനങ്ങളുടെ ചുമതലയുള്ള ഗതാഗത വകുപ്പ് സെക്രട്ടറി കെ ആർ ജ്യോതിലാൽ അറിയിച്ചു.
