റോഡ്, കെട്ടിട നിർമ്മാണം, കുടിവെള്ളം തുടങ്ങി വിവിധ പദ്ധതികളുടെ പ്രവൃത്തികളും പുരോഗതികളും ജില്ലാ വികസന സമിതി യോഗം വിലയിരുത്തി. മാനാഞ്ചിറ-വെള്ളിമാട്കുന്ന് റോഡുമായി ബന്ധപ്പെട്ടുള്ള മുഴുവൻ പ്രവൃത്തികളും ഒക്ടോബർ 31 നകം പൂർത്തീകരിക്കുമെന്നും അവശേഷിക്കുന്ന മരങ്ങൾ മുറിച്ചു മാറ്റുന്നതിനുള്ള നടപടികൾ ഉടൻ നടപ്പാക്കുമെന്നും ബന്ധപ്പെട്ട ഉദ്യോഗസ്ഥർ അറിയിച്ചു. കക്കട്ടിൽ ടൗൺ നവീകരണ പ്രവൃത്തി പുരോഗമിച്ചു വരുന്നതായും നിലവിൽ ഫുട്പാത്തിൽ ഇന്റർലോക്ക് ടൈൽസ് വിരിക്കുന്ന പ്രവൃത്തി 300 മീറ്ററോളം പ്രവൃത്തി പൂർത്തിയായതായും ഉദ്യോഗസ്ഥർ അറിയിച്ചു.