തൊഴിൽ വകുപ്പിന്റെ ആഭിമുഖ്യത്തിൽ അതിഥി തൊഴിലാളികൾക്കിടയിൽ നടത്തി വരുന്ന ലഹരി വിരുദ്ധ വാരാചാരണത്തിന്റെ ഭാഗമായി ബോധവത്കരണ പരിപാടികൾ സംഘടിപ്പിച്ചു. എക്സൈസ് വകുപ്പ് ഡെപ്യൂട്ടി കമ്മീഷണർ അബു എബ്രഹാം പരിപാടി ഉദ്ഘാടനം ചെയ്തു. ജില്ലാ ലേബർ ഓഫീസർ സി. പി ബബിത അധ്യക്ഷത വഹിച്ചു.
ഗവ. മോഡൽ ഹയർ സെക്കന്ററി സ്കൂളിലെ ഹിന്ദി അദ്ധ്യാപിക ആർ. അജി ബോധവത്കരണ ക്ലാസ്സെടുത്തു. ക്ലാസ്സിനു ശേഷം അതിഥിതൊഴിലാളികൾ ലഹരി വിരുദ്ധ പ്രതിജ്ഞയെടുത്തു. പരിപാടിയുടെ ഭാഗമായി കോളേജ് വിദ്യാർത്ഥികൾ ലഹരിവിരുദ്ധ സന്ദേശത്തോടെ ഫ്ലാഷ്മോബ് അവതരിപ്പിച്ചു. അതിഥി തൊഴിലാളികളുടെ നേതൃത്വത്തിൽ സ്കിറ്റും മറ്റു കലാപരിപാടികളും അവതരിപ്പിച്ചു. ജില്ലാ ലേബർ ഓഫീസർ (എൻഫോഴ്സ്മെന്റ്) വി. സബിഷ സ്വാഗതവും അസിസ്റ്റന്റ് ലേബർ ഓഫീസർ കെ.സുരേഷ് നന്ദിയും പറഞ്ഞു.