പുരപ്പുറ സൗരോര്‍ജ പദ്ധതിയില്‍ ഗാര്‍ഹിക ഉപഭോക്തക്കള്‍ക്ക് സോളാര്‍ പ്ലാന്റുകള്‍ സ്ഥാപിക്കുന്നതിനായി കെ.എസ്.ഇ.ബിയുടെ നേതൃത്വത്തില്‍ സ്‌പോട്ട് രജിസ്‌ട്രേഷന്‍ സംഘടിപ്പിച്ചു. സംസ്ഥാനത്തെ ജില്ലാ കലക്റ്ററേറ്റ് കോണ്‍ഫറന്‍സ് ഹാളുകളിൽ നടത്തുന്ന ക്യാമ്പെയ്ൻ പരമ്പരകളുടെ ഭാഗമായാണ് ഇടുക്കിയിലും കെ.എസ്.ഇ.ബി സംഘം എത്തിയത്.
കേന്ദ്ര സര്‍ക്കാരിന്റെ 40 ശതമാനം സബ്‌സിഡി നിരക്കില്‍ സൗരോര്‍ജ പാനലുകള്‍ സ്ഥാപിക്കു ന്നതിനായി കെ.എസ്.ഇ.ബി അംഗീകൃതമായ വി വിധ സോളാര്‍ പാനല്‍ വിതരണക്കാരുമായി ഉപ ഭോക്താക്കള്‍ക്ക് സംവദിക്കാനും സ്‌പോട്ട് രജിസ് ട്രേഷന്‍ ചെയ്യാനുമുള്ള സൗകര്യം കാംപയിനില്‍ ഒരുക്കിയിരുന്നു.
അസിസ്റ്റന്റ് എന്‍ജിനീയര്‍ എസ്. നൗഷാദ് പദ്ധതി വിശദീകരിച്ചു. സോളാര്‍ പ്ലാന്റുകള്‍ സ്ഥാപിക്കുന്നത് സംബന്ധിച്ച ഉപഭോക്താക്കളുടെ സംശയങ്ങള്‍ക്ക് അദ്ദേഹം മറുപടി നല്‍കി. ഇ കിരണ്‍ പോര്‍ട്ടല്‍ വഴി ഉപഭോക്താക്കള്‍ക്ക് എങ്ങനെ സ്വയം രജിസ്‌ട്രേഷന്‍ ചെയ്യാം എന്നത് സംബന്ധിച്ച വിവരങ്ങളും വിശദീകരിച്ചു. ജില്ലാ പഞ്ചായത്ത് പ്രസിഡൻ്റ് ജിജി കെ. ഫിലിപ്പ്, ജില്ലാ കളക്ടർ ഷീബ ജോർജ്, സൗര പ്രൊജക്റ്റ് എക്സിക്യൂട്ടീവ് എന്‍ജിനീയല്‍ ആര്‍.ബൈജു, അസിസ്റ്റന്റ് എന്‍ജിനീയര്‍ യോഹന്നാന്‍ കെ.വി, പൈനാവ് സെക്ഷന്‍ അസിസ്റ്റന്റ് എന്‍ജിനീയര്‍ പ്രിന്‍സ് വര്‍ഗീസ്, ജില്ലയിലെ പഞ്ചായത്ത് പ്രസിഡന്റുമാര്‍, പഞ്ചായത്ത് സെക്രട്ടറിമാര്‍, വകുപ്പ് തലവന്‍മാര്‍, കളക്ട്രേറ്റ് ജീവനക്കാര്‍, സോളാര്‍ പാനല്‍ വിതരണക്കാര്‍ എന്നിവര്‍ പങ്കെടുത്തു.