ഗവൺമെന്റ് അംഗീകൃത വിദ്യാഭ്യാസ സ്ഥാപനങ്ങളിൽ പ്രൊഫഷണൽ /വോക്കേഷണൽ/ടെക്നിക്കൽ കോഴ്സുകളിൽ പഠിക്കുന്ന വിമുക്തഭടന്മാരുടെ മക്കൾ/ഭാര്യ എന്നിവർക്ക് സൈനിക ക്ഷേമ വകുപ്പിന്റെ അമാൽഗമേറ്റഡ് ഫണ്ടിൽ നിന്നും 2022-23 വർഷത്തേക്കുളള പ്രൊഫഷണൽ കോഴ്സ് സ്കോളർഷിപ്പിന് അപേക്ഷകൾ ക്ഷണിച്ചു. വിമുക്തഭടന്മാരുടെ മക്കൾ വിവാഹം കഴിക്കാത്തവരും, കോഴ്സിനു ചേരുന്ന സമയം 25 വയസ്സ് തികയാത്തവരും തൊഴിൽ രഹിതരും മുൻ വർഷത്തെ പരീക്ഷയിൽ 50 ശതമാനത്തിൽ കുറയാത്ത മാർക്കും നേടിയവരായിരിക്കണം. അപേക്ഷ ഫോറം ഡിസംബർ 21വരെ ജില്ലാ സൈനിക ക്ഷേമ ഓഫീസിൽ നിന്നും സൗജന്യമായി ലഭിക്കും. പൂരിപ്പിച്ച അപേക്ഷകൾ ഡിസംബർ 26 ന് വൈകുന്നേരം 4 മണി വരെ സ്വീകരിക്കും.