ഊർജ്ജ കിരൺ – ഊർജ്ജ സംരക്ഷണ സെമിനാറിൻ്റെ മണലൂർ നിയോജക മണ്ഡല തല ഉദ്ഘാടനം മുല്ലശ്ശേരി ബ്ലോക്ക് പഞ്ചായത്ത് ഹാളിൽ മുരളി പെരുനെല്ലി എംഎൽഎ നിർവഹിച്ചു. എനർജി മാനേജ്മെന്റ് സെൻ്റർ ഗവ.കേരള ,സെൻ്റർ ഫോർ എൻവയോൺമെൻ്റ് ആൻഡ് ഡെവലപ്മെൻ്റ്, സെൻ്റ് തോമസ് കോളേജ്
ഫിസിക്സ് വിഭാഗം, മുല്ലശ്ശേരി ബ്ലോക്ക് പഞ്ചായത്ത് എന്നിവ സംയുക്തമായാണ് പരിപാടി സംഘടിപ്പിക്കുന്നത്. പഞ്ചായത്ത് പ്രസിഡൻ്റ് ലതി വേണുഗോപാൽ അധ്യക്ഷത വഹിച്ചു. ഇ.എം.സി ജില്ലാ കോ ഓർഡിനേറ്റർ ഡോ.ടിവി വിമൽകുമാർ, ഇ.എം.സി.ആർ.പി .എ .വസന്തൻ , പ്രദീപ് കുമാർ, അനീഷ് സി.എം എന്നിവർ സംസാരിച്ചു .ബ്ലോക്കിൻ്റെ കീഴിലുള്ള ഹരിത സേന, കുടുംബശ്രീ അംഗങ്ങൾക്ക് എൽ.ഇ.ഡി ബൾബുകളുടെ വിതരണവും നടന്നു.