ശബരിമല സന്നിധാനത്തെ ഡ്യൂട്ടി മജിസ്‌ട്രേറ്റിന്റെയും എക്‌സിക്യൂട്ടീവ് മജിസ്‌ട്രേറ്റിന്റെയും നേതൃത്വത്തിലുള്ള വിവിധ വകുപ്പുകളിലെ ജീവനക്കാര്‍ ബുധനാഴ്ച്ച വൈകിട്ട് സന്നിധാനത്ത് ഭക്തിഗാനാര്‍ച്ചന നടത്തി. ജൂനിയര്‍ ഹെല്‍ത്ത് ഇന്‍സ്‌പെക്ടര്‍ രാജേഷ് കുമാറിന്റെ നേതൃത്വത്തിലുള്ള മുപ്പതോളം പേരാണ് ഗാനാര്‍ച്ചനയുമായി ശബരി സന്നിധിയില്‍ എത്തിയത്.
സോപാന സംഗീതവും സംസ്‌കൃത ശ്ലോകങ്ങളും സംഘം ഭക്തിയോടെ അവതരിപ്പിച്ചു. ഭക്തിഗാനാലാപന ത്താല്‍ ശബരി സന്നിധി സംഗീത സാന്ദ്രമാക്കിയാണ് രാജേഷ് കുമാറും സംഘവും ഭക്തിഗാനാര്‍ച്ചന അവസാനിപ്പിച്ചത്.