മുഖ്യമന്ത്രിയുടെ ദുരിതാശ്വാസനിധിയിലേക്ക് ഫണ്ട് സമാഹരിക്കാനായി കേരള ഹോട്ടല്‍ ആന്‍ഡ് റസ്റ്റോറന്റ് അസോസിയേഷനും രംഗത്ത്. കച്ചവടത്തില്‍ നിന്നും ഒരു ദിവസം ലഭിക്കുന്ന വരുമാനം മുഖ്യമന്ത്രിയുടെ ദുരിതശ്വാസ നിധിയിലേക്ക് നല്‍കാനാണ് തീരുമാനം. മാനന്തവാടി മാതാ ഹോട്ടലില്‍ നടന്ന ദുരിതാശ്വാസ നിധി ശേഖരണത്തിന്റെ ജില്ലാതല ഉദ്ഘാടനം നഗരസഭ അദ്ധ്യക്ഷന്‍ വി.ആര്‍ പ്രവീജ് നിര്‍വഹിച്ചു. ജില്ലയിലെ മുഴുവന്‍ ഹോട്ടലുകളും സെപ്തംബര്‍ 10 മുതല്‍ 15 വരെയുള്ള ദിവസങ്ങളില്‍ ദുരിതശ്വാസനിധിയിലേക്ക് ഫണ്ട് കണ്ടെത്തുന്നതിന് ഒരു ദിവസത്തെ വരുമാനം നീക്കിവയ്ക്കും. റസ്റ്റോറന്റ് അസോസിയേഷന്‍ നടത്തുന്നത് മാതൃകപരമായ നടപടിയാണെന്ന് നഗരസഭ അദ്ധ്യക്ഷന്‍ വി.ആര്‍ പ്രവിജ് പറഞ്ഞു. ചടങ്ങില്‍ കെ.എച്ച്.ആര്‍.എ സംസ്ഥാന സെക്രട്ടറി പി.ആര്‍ ഉണ്ണികൃഷ്ണന്‍ അദ്ധ്യക്ഷത വഹിച്ചു.
