ജില്ലാ ടൂറിസം പ്രൊമോഷന് കൗണ്സിലിന്റെ നേതൃത്വത്തില് 2023-24 ലെ ഫെസ്റ്റിവല് കലണ്ടര് ജില്ലാ കലക്ടര് ഡോ. എസ്. ചിത്ര പ്രകാശനം ചെയ്തു. അസിസ്റ്റന്റ് കലക്ടര് ഡി. രഞ്ജിത്ത്, ഡി.ടി.പി.സി സെക്രട്ടറി ഡോ. എസ്.വി സില്ബര്ട്ട് ജോസ്, ജില്ലാ ഇന്ഫര്മേഷന് ഓഫീസര് പ്രിയ കെ. ഉണ്ണികൃഷ്ണന് എന്നിവര്ക്ക് നല്കിക്കൊണ്ടാണ് പ്രകാശനം ചെയ്തത്. ജില്ലയിലെ പ്രധാനപ്പെട്ട വേലകള്, രായിരനല്ലൂര് മലകയറ്റം, പള്ളിപ്പെരുന്നാളുകള് എന്നിവ ഉള്പ്പെടുത്തിയാണ് കലണ്ടര് തയ്യാറാക്കിയിട്ടുള്ളത്. അസിസ്റ്റന്റ് കലക്ടര് ഡി. രഞ്ജിത്തിന്റെ ആശയപ്രകാരമാണ് ഫെസിറ്റിവല് കലണ്ടര് രൂപകല്പ്പന ചെയ്തത്. ഇത് ഡി.ടി.പി.സിയുടെ ഔദ്യോഗിക വെബ്സൈറ്റില് പ്രസിദ്ധീകരിക്കും.
ഏപ്രില് നാലിനകം ജില്ലയിലെ എല്ലാ ഉത്സവങ്ങളെയും ഉള്പ്പെടുത്തി കലണ്ടര് വെബ്സൈറ്റില് പ്രസിദ്ധീകരിക്കുമെന്ന് ജില്ലാ കലക്ടര് അറിയിച്ചു. കലക്ടറുടെ ചേംബറില് നടന്ന പരിപാടിയില് അസിസ്റ്റന്റ് കലക്ടര് ഡി. രഞ്ജിത്ത്, ഡി.ടി.പി.സി സെക്രട്ടറി ഡോ. എസ്.വി സില്ബര്ട്ട് ജോസ്, ഡെപ്യൂട്ടി ഡയറക്ടര് അനില് കുമാര്, ജില്ലാ ഇന്ഫര്മേഷന് ഓഫീസര് പ്രിയ കെ.ഉണ്ണികൃഷ്ണന് എന്നിവര് പങ്കെടുത്തു.