ആലപ്പുഴ:പട്ടികജാതിവിഭാഗക്കാർക്കായിട്ടുള്ള ടുഡി ആൻഡ് ത്രീഡി ഗെയിംവികസനം, മാറ്റ്ലാബ് എന്നിവയിൽ പരിശീലനം നൽകുന്നു. തിരുവനന്തപുരത്ത് നടത്തുന്ന പരിശീലനങ്ങളിൽ 20 മുതൽ 26 വയസുവരെ പ്രായമുള്ളവർക്ക് പങ്കെടുക്കാം. ടുഡിആൻഡ് ത്രീഡിഗെയിംവികസനം, പരിശീലനത്തിൽ എഞ്ചിനീയറിങ്/എം.സി.എ/ ബി.സി.എ/ബി.എസ്.സി/ (കംപ്യൂട്ടർ സയൻസ്)എന്നിവയിൽ ബിരുദമുള്ളവർക്കും എഞ്ചിനീയറിങ് / എം.സി.എ കോഴ്സ് പൂർത്തീകരിച്ചവർക്കും അപേക്ഷിക്കാം. ആറു മാസത്തെ പരിശീലനത്തിൽ പങ്കെടുക്കുന്നവർക്ക് മാസം 3500 രൂപ സ്‌റ്റൈപന്റ് ലഭിക്കും.
മാറ്റ്ലാബിൽ നാലുമാസത്തെ പരിശീലനത്തിന് ഇലക്ട്രോണിക്സ്, ഇലക്ട്രിക്കൽ, കംപ്യൂട്ടർ സയൻസ്, ഐ.ടി., അപ്ലൈഡ് ഇലക്ട്രോണിക്സ്, എം.സി.എ/എം.എസ്.സി. (കംപ്യൂട്ടർസയൻസ്) എന്നിവയിൽ എഞ്ചിനീയറിങ് ബിരുദം ഉള്ളവർക്കും കോഴ്സുകൾ പൂർത്തീകരിച്ചവർക്കും അപേക്ഷിക്കാം. പരിശീലനത്തിൽ പങ്കെടുക്കുന്നവർക്ക് മാസം 5000 രൂപ സ്‌റ്റൈപന്റ് ലഭിക്കും. വിശദവിവരങ്ങളും അപേക്ഷാഫോറവും www.cybersri.org എന്ന വെബ്സൈറ്റിൽ ലഭിക്കും. പൂരിപ്പിച്ച അപേക്ഷകൾ വിദ്യാഭ്യാസയോഗ്യത, വയസ്സ്, ജാതി എന്നിവ തെളിയിക്കുന്ന സർട്ടിഫിക്കററുകളുടെ ശരിപകർപ് സഹിതം സെപ്തംബർ 30 ന് സൈബർശ്രീസെന്റർ, സി-ഡിറ്റ്, പൂർണ്ണിമ, ടി.സി.81/2964, തൈക്കാട് പി.ഒ., തിരുവനന്തപുരം-695014 എന്ന വിലാസത്തിൽ നേരിട്ട് ഹാജരാകേണ്ടതാണ്. ഫോൺ: 0471 2323949.