കോർപ്പറേഷനിലെ 49ാം ഡിവിഷനിലെ മാറാട് തൈകൂട്ടംപറമ്പ് ഡ്രെയിനേജ് കം ഫുട്പാത്ത് ഡെപ്യൂട്ടി മേയർ സി.പി.മുസാഫർ അഹമ്മദ് ഉദ്ഘാടനം ചെയ്തു. ഡിവിഷൻ കൗൺസിലർ കൊല്ലരത്ത് സുരേശൻ അധ്യക്ഷത വഹിച്ചു.
കോർപ്പറേഷൻ 2022-2023 വാർഷിക പദ്ധതിയിൽ ഉൾപ്പെടുത്തിയാണ് ഫുട്പാത്ത് നിർമ്മിച്ചത്. കൗൺസിലർ വാടിയിൽ നവാസ്, മുൻ കൗൺസിലർ പൊന്നത്ത് ദേവരാജൻ, ഡിവിഷൻ കമ്മറ്റി അംഗം സജീവോത്തമ്മൻ എന്നിവർ സംസാരിച്ചു. ഡിവിഷൻ കൺവീനർ എൻ പ്രശാന്ത് സ്വാഗതവും റോഡ് കൺവീനർ ശ്രീകുമാർ നന്ദിയും പറഞ്ഞു.