വിദ്യാഭ്യാസ മേഖലയിലെ ഭൗതിക സാഹചര്യങ്ങളിൽ മാറ്റം വരുന്നതിനൊപ്പം അക്കാദമിക മികവിലും മാറ്റം വരണമെന്ന് ചടങ്ങിൽ അധ്യക്ഷത വഹിച്ചുകൊണ്ട് റവന്യൂ വകുപ്പ് മന്ത്രി കെ രാജൻ പറഞ്ഞു. പൊതുവിദ്യാഭ്യാസ സംരക്ഷണ യജ്ഞത്തിൻ്റെ ഭാഗമായി ഒരു കോടി രൂപ എംഎൽഎ ഫണ്ട് വിനിയോഗിച്ചാണ് ചെറുകുന്ന് സ്കൂളിലെ ചിരകാല സ്വപ്നമായിരുന്ന പുതിയ ഇരുനില കെട്ടിടം യാഥാർത്ഥ്യമായത്. വിദ്യാഭ്യാസ മേഖലയിൽ പുത്തൂർ ഗ്രാമപഞ്ചായത്തിൽ മാത്രം 13 കോടി രൂപയുടെ നിർമ്മാണ പ്രവർത്തനങ്ങളാണ് പുരോഗമിക്കുന്നത്. നഗരതുല്യമായ എല്ലാം സജ്ജീകരണങ്ങളും പുത്തൂരിൽ ഇന്നുണ്ട്. നഗരം പുത്തൂരിനെ അന്വേഷിച്ചു വരുന്ന കാലം വിദൂരമല്ലെന്നും ഉദ്ഘാടന ചടങ്ങിൽ മന്ത്രി കൂട്ടിച്ചേർത്തു.