കുടുംബശ്രീ വയനാട് ആദിവാസി സമഗ്ര വികസന പദ്ധതിയുടെ ഭാഗമായി തിരുനെല്ലി സി.ഡി.എസ്, വി.ഡി.വി.കെ തിരുനെല്ലി, ആര്‍.കെ.ഐ.ഡി.പി പദ്ധതികളോടൊപ്പം ചേര്‍ന്ന് കര്‍ക്കിടക വാവിനോടനുബന്ധിച്ച്
തിരുനെല്ലി ക്ഷേത്ര പരിസരത്ത് നടത്തിയ കര്‍ക്കിടക ചന്ത ശ്രദ്ധേയമായി. ജില്ലാ കളക്ടര്‍ ഡോ. രേണുരാജ് നാട്ടു ചന്ത ഉദ്ഘാടനം ചെയ്തു. വാര്‍ഡ് മെമ്പര്‍ പി.എന്‍ ഹരീന്ദ്രന്‍ അധ്യക്ഷത വഹിച്ചു. കര്‍ക്കിടക വാവിനോട് അനുബന്ധിച്ചാണ് തിരുനെല്ലിയില്‍ നാട്ടുചന്ത ഒരുക്കിയത്. വിവിധയിനം ഇലക്കറികള്‍, പച്ചക്കറികള്‍, പരമ്പരാഗത അരികള്‍, തനത് ഉല്‍പ്പന്നങ്ങള്‍ എന്നിവ ചന്തയില്‍ നിന്നും വാങ്ങാം.
ചടങ്ങില്‍ സബ് കളക്ടര്‍ ആര്‍. ശ്രീലക്ഷ്മി, എ.ഡി.എം എന്‍.ഐ ഷാജു, കുടുംബശ്രീ ജില്ലാ മിഷന്‍ കോഡിനേറ്റര്‍ പി.കെ ബാലസുബ്രഹ്മണ്യന്‍, എ.ഡി.എം.സി വി.കെ റെജീന, ജില്ലാ മിഷന്‍ ഉദ്യോഗസ്ഥരായ വി. ജയേഷ്, സിഗാള്‍ തോമസ്, കെ. വിദ്യ മോള്‍, വി.കെ അതുല്യ തുടങ്ങിയവര്‍ പങ്കെടുത്തു. കര്‍ക്കിടക ചന്ത ചൊവ്വാഴ്ച്ച സമാപിച്ചു.