കേരള ലോകയുക്ത ക്യാമ്പ് സിറ്റിങ് ഡിസംബർ 19 മുതൽ മുതൽ 22 വരെ കണ്ണൂർ, കോഴിക്കോട് എന്നിവിടങ്ങളിലായി നടക്കും. കണ്ണൂർ ഗവ. ഗസ്റ്റ് ഹൗസ് കോൺഫറൻസ് ഹാളിൽ 19ന് നടക്കുന്ന സിറ്റിങിൽ ഉപ ലോകയുക്ത ജസ്റ്റിസ് ഹാറൂൺ അൽ റഷീദും 20ന് നടക്കുന്ന സിറ്റിങിൽ ലോകായുക്ത ജസ്റ്റിസ് സിറിയക് ജോസഫ്, ഉപലോകയുക്ത ജസ്റ്റിസ് ഹാറൂൺ അൽ റഷീദ് എന്നിവർ പങ്കെടുക്കും.

കോഴിക്കോട് പി.ഡബ്ല്യു.ഡി റസ്റ്റ് ഹൗസ് കോൺഫറൻസ് ഹാളിൽ 21ന് ലോകയുക്ത ജസ്റ്റിസ് സിറിയക് ജോസഫും ഉപലോകയുക്ത ജസ്റ്റിസ് ഹാറൂൺ അൽ റഷീദും പങ്കെടുക്കും. 22ന് കോഴിക്കേട് ഗവ. ഗസ്റ്റ് ഹൗസ് കോൺഫറൻസ് ഹാളിൽ നടക്കുന്ന സിറ്റിങിൽ ഉപലോകയുക്ത ജസ്റ്റിസ് ഹാറൂൺ അൽ റഷീദ് പരാതികൾ സ്വീകരിക്കും.