സംസ്ഥാന സ്‌കൂൾ കലോത്സവത്തിന്റെ പരസ്യപ്രചരണാർത്ഥം കേരള മീഡിയ അക്കാദമി, കൊല്ലം പ്രസ് ക്ലബ്ബ്, കലോത്സവ പബ്ലിസിറ്റി കമ്മിറ്റി എന്നിവർ സംയുക്തമായി ഹൈസ്‌കൂൾ, ഹയർസെക്കന്ററി വിദ്യാർത്ഥികൾക്കായി സംഘടിപ്പിച്ച ചിത്രകലാമത്സരത്തിന്റെ വിജയികളെ പ്രഖ്യാപിച്ചു. ജലച്ചായചിത്രരചന ഹൈസ്‌കൂൾ വിഭാഗത്തിൽ ഒന്നാം സമ്മാനത്തിന് കൊല്ലം കരിക്കോട് ടി.കെ.എം. എച്ച്.എസ്.എസിലെ പത്താം ക്ലാസ് വിദ്യാർത്ഥിനി എൻ. ആഫിയയും ഹയർസെക്കന്ററി വിഭാഗത്തിൽ ഒന്നാം സമ്മാനത്തിന് കൊട്ടാരക്കര സെന്റ് മേരീസ് എച്ച്.എസ്.എസിലെ പ്ലസ്ടു വിദ്യാർത്ഥി എസ് സംഗീതും പെൻസിൽ ഡ്രോയിംഗ് വിഭാഗത്തിൽ ഒന്നാം സമ്മാനത്തിന് പുനലൂർ താലൂക്ക് സമാജം എച്ച്.എസ്.എസിലെ ജെ ഭാഗ്യലക്ഷ്മിയും അർഹരായി.
ജലച്ചായം ഹൈസ്‌കൂൾ വിഭാഗം രണ്ടാം സമ്മാനം ഗോപിക കണ്ണൻ (എസ്.എൻ. ട്രസ്റ്റ്സ് സെൻട്രൽ സ്‌കൂൾ, കൊല്ലം ഒമ്പതാം ക്ലാസ് വിദ്യാർത്ഥിനി), മൂന്നാം സമ്മാനം നന്ദന എ.എസ് (സെന്റ് ജൂഡ് എച്ച്.എസ്. മുഖത്തല -ഏഴാം ക്ലാസ് വിദ്യാർത്ഥിനി). ജലച്ചായം ഹയർസെക്കന്ററി വിഭാഗം രണ്ടാം സമ്മാനം ഹൃദിൻ പ്രമോദ് (ജോൺ എഫ് കെന്നഡി മെമ്മോറിയൽ വി.എച്ച്.എസ്.ഇ, അയനിവേലിക്കുളങ്ങര, കരുനാഗപ്പള്ളി-പ്ലസ് വൺ വിദ്യാർത്ഥി), മൂന്നാം സമ്മാനം കൊല്ലം വടക്കേവിള ശ്രീനാരായണ പബ്ലിക് സ്‌കൂളിലെ പ്ലസ് വൺ വിദ്യാർത്ഥിനി ബി അഞ്ജന സുഗുണനും കരുനാഗപ്പള്ളി ജി.എച്ച്.എസ്.എസിലെ പ്ലസ് വൺ വിദ്യാർത്ഥിനി ആഭേരി എസ് പഞ്ചമിയും നേടി. പെൻസിൽ ഡ്രോയിംഗ് വിഭാഗത്തിൽ രണ്ടാം സമ്മാനം കൊല്ലം പരവൂർ എസ്. എൻ. വി.ജി. എച്ച്.എസ്.എസിലെ എട്ടാം ക്ലാസ് വിദ്യാർത്ഥിനി എം.എസ് വിഷ്ണുമായ അർഹയായി.
കൊല്ലം വിമലഹൃദയ എച്ച് എസ് എസിൽ നടന്ന ചിത്രരചനാമത്സരത്തിൽ മൂന്നു പേരടങ്ങുന്ന ജൂറിയാണ് വിജയികളെ തിരഞ്ഞെടുത്തത്.