കെ എസ് ആര് ടി സി ബജറ്റ് ടൂറിസം സെല് നടത്തുന്ന കപ്പല് യാത്രയ്ക്കുള്ള ട്രിപ് മാര്ച്ച് 10ന് രാവിലെ 10ന് കൊല്ലത്ത്നിന്ന് തുടങ്ങും. എറണാകുളത്ത് നിന്ന് വൈകിട്ട് നാലുമുതല് രാത്രി 9 മണി വരെ കപ്പല് യാത്ര നടത്തും. രാത്രി 12 നു കൊല്ലത്തു തിരികെയെത്തും. 4240 രൂപയാണ് യാത്രാനിരക്ക്.
മാര്ച്ചിലെ യാത്രകള്: കൊല്ലത്ത് നിന്ന് ഗുരുവായൂര് യാത്ര 15ന് വൈകിട്ട് എട്ടിന്. മമ്മിയൂര്, ആനക്കോട്ട, കൊടുങ്ങല്ലൂര്, പറവൂര് മൂകാംബിക ക്ഷേത്രം വഴി കൊല്ലത്തു തിരികെഎത്തുന്ന യാത്രക്ക് 1240 രൂപയാണ് നിരക്ക്. മൂന്നിന് ഇലവീഴാപൂഞ്ചിറ-ഇല്ലിക്കല്കല്ല് യാത്ര, മൂന്ന്, 12, 21 തീയതികളില് ഗവിയാത്ര. എട്ടിന് വനിതകള്ക്ക് മാത്രമായി വീഗാലാന്ഡ്. ഒന്പതിന് രണ്ടുദിവസത്തെ മൂന്നാര്-കാന്തല്ലൂര്; വാഗമണ്, അയ്യപ്പ ക്ഷേത്രദര്ശനത്തിന് രണ്ട്ട്രിപുകളും.10ന് പൊന്മുടി, 17 ന് വാഗമണ്, റോസ്മല യാത്രകളും ഉണ്ടാകും. ഫോണ്-9747969768.