വൊക്കേഷണല്‍ ഹയര്‍ സെക്കന്ററി വിദ്യാഭ്യാസ വകുപ്പ് ജൂലൈയില്‍ നടത്തിയ ഒന്നാംവര്‍ഷ ഇംപ്രൂവ്‌മെന്റ് പരീക്ഷയുടെ സ്‌കോറുകള്‍ പ്രസിദ്ധീകരിച്ചു. www.results.
ഉത്തരക്കടലാസ്സുകളുടെ പുനര്‍മൂല്യനിര്‍ണ്ണയവും സൂക്ഷ്മപരിശോധനയും നടത്തുന്നതിനുള്ള അപേക്ഷകള്‍ നവംബര്‍ ഒമ്പതിനകം സംസ്ഥാനത്തെ ഏതെങ്കിലും ട്രഷറിയില്‍ നിശ്ചിത ഫീസൊടുക്കി അസല്‍ ചെലാന്‍, വെബ്‌സൈറ്റില്‍ നിന്നും ലഭിക്കുന്ന സ്‌കോര്‍ഷീറ്റ് എന്നിവയോടൊപ്പം പോര്‍ട്ടലില്‍ നല്‍കിയിട്ടുള്ള അപേക്ഷാ ഫോറത്തിന്റെ മാതൃക പ്രിന്റ് ചെയ്ത് പൂരിപ്പിച്ച് വിദ്യാര്‍ത്ഥി പഠിക്കുന്ന സ്‌കൂള്‍ പ്രിന്‍സിപ്പാളിന് സമര്‍പ്പിക്കണം. സ്‌കൂള്‍ പ്രിന്‍സിപ്പാള്‍ അപേക്ഷകള്‍ പരിശോധിച്ച് അപാകതകള്‍ ഇല്ലെന്ന് ഉറപ്പാക്കിയതിനുശേഷം വിദ്യാര്‍ത്ഥികള്‍ക്ക് കൈപ്പറ്റ് രസീത് നല്‍കണം. കൂടാതെ നവംബര്‍ 13നകം വിദ്യാലയത്തില്‍ ലഭിച്ച എല്ലാ അപേക്ഷകളും പോര്‍ട്ടലില്‍ അപ്‌ലോഡ് ചെയ്യണം. പുനര്‍മൂല്യനിര്‍ണ്ണയം ചെയ്യുന്നതിനു പേപ്പറൊന്നിന് 500 രൂപയും, സൂക്ഷ്മപരിശോധനയ്ക്ക് 100 രൂപ പ്രകാരവും “0202-01-102-93-VHSE Fees” എന്ന ശീര്‍ഷകത്തില്‍ അടയ്ക്കണം. ഉത്തരക്കടലാസിന്റെ പകര്‍പ്പ് ആവശ്യമുള്ള വിദ്യാര്‍ത്ഥികള്‍ പേപ്പറൊന്നിന് 300 രൂപ പ്രകാരം ഫീസ് അടച്ച് അപേക്ഷകള്‍ പരീക്ഷാ ഓഫീസിലേക്ക് അയക്കണം. അപേക്ഷാ ഫോമിന്റെ മാതൃകകള്‍ 2018ലെ വി.എച്ച്.എസ്.ഇ പരീക്ഷാ വിജ്ഞാപനത്തില്‍ ലഭ്യമാകും.