കേരള സംസ്ഥാന ചലച്ചിത്ര അക്കാദമി ഓഗസ്റ്റ് 22 മുതൽ 27 വരെ തിരുവനന്തപുരത്ത് സംഘടിപ്പിക്കുന്ന 17 മത് കേരള രാജ്യാന്തര ഡോക്യുമെന്ററി, ഹ്രസ്വ ചലച്ചിത്രമേളയുടെ (ഐ.ഡി.എസ്.എഫ്.എഫ്.കെ) ഡെലിഗേറ്റ് രജിസ്‌ട്രേഷൻ ആരംഭിച്ചു. പൊതു വിഭാഗത്തിന് 590 രൂപയും വിദ്യാർത്ഥികൾക്ക് 354 രൂപയുമാണ് ജി.എസ്.ടി ഉൾപ്പടെ ഫീസ്. രജിസ്റ്റർ ചെയ്യാനായി https://registration.iffk.in സന്ദർശിക്കുക.

മേളയുടെ ഓഫ്‌ലൈൻ രജിസ്‌ട്രേഷൻ ഇന്ന് (15 ഓഗസ്റ്റ് 2025) മുതൽ കൈരളി ശ്രീ നിള തിയേറ്ററിലെ ഡെലിഗേറ്റ് സെല്ലിൽ നിന്നും ചെയ്യാവുന്നതാണ്. ആറു ദിവസങ്ങളിലായി നടക്കുന്ന മേളയിൽ മത്സര, മത്സരേതര ഡോക്യുമെന്ററികൾ, ഷോർട്ട് ഫിലിമുകൾ, ക്യാമ്പസ് ചിത്രങ്ങൾ, മ്യൂസിക് വീഡിയോ തുടങ്ങി വിവിധ വിഭാഗങ്ങളിലായി 300 ലധികം ചിത്രങ്ങൾ പ്രദർശിപ്പിക്കും.