പഞ്ചായത്തിന്റെ വികസന നേട്ടങ്ങള് ജനങ്ങള്ക്ക് മുന്നില് അവതരിപ്പിച്ച് കണ്ണമംഗലം ഗ്രാമപഞ്ചായത്ത് വികസന സദസ്സ് നടന്നു. കുന്നുപുറം ജസീറ ഓഡിറ്റോറിയത്തില് നടന്ന വികസന സദസ്സ് പഞ്ചായത്ത് പ്രസിഡന്റ് യു.എം. ഹംസ ഉദ്ഘാടനം ചെയ്തു. വൈസ് പ്രസിഡന്റ് ഹസീന അധ്യക്ഷത വഹിച്ചു. പഞ്ചായത്ത് സെക്രട്ടറി ജെ. ജോസ് വികസന റിപ്പോര്ട്ട് അവതരിപ്പിച്ചു. വേങ്ങര ബ്ലോക്ക് വൈസ് പ്രസിഡന്റ് പുളിക്കല് അബൂബക്കര് മുഖ്യാതിഥിയായി. ചടങ്ങില് ഹരിത കര്മ്മ സേന പ്രവര്ത്തകരെ ആദരിച്ചു. തുടര്ന്ന് നടന്ന ഓപ്പണ് ഫോറത്തില് എല്ലാ രാഷ്ട്രീയ പ്രതിനിധികളും പങ്കെടുത്തു.
