സംസ്ഥാന സര്ക്കാറിന്റെ ആഭിമുഖ്യത്തില് തദ്ദേശ സ്വയംഭരണ വകുപ്പും ഇന്ഫര്മേഷന് പബ്ലിക് റിലേഷന്സ് വകുപ്പും സംയുക്തമായി സംഘടിപ്പിക്കുന്ന വികസന സദസ് കാരാകുറിശ്ശി ഗ്രാമപഞ്ചായത്തില് നടന്നു. പരിപാടിയില് ഹരിത കര്മ്മ സേന- തൊഴിലുറപ്പ് പ്രവര്ത്തകരെ ആദരിച്ചു. വാഴമ്പുറം ഷിബി ഓഡിറ്റോറിയത്തില് നടന്ന വികസന സദസിന്റെ ഉദ്ഘാടനവും അതിദാരിദ്ര വിമുക്ത പഞ്ചായത്ത് പ്രഖ്യാപനവും അഡ്വ. കെ.ശാന്തകുമാരി എം.എല്.എ നിര്വഹിച്ചു. ഗ്രാമ പഞ്ചായത്തിന്റെ വികസനരേഖയുടെ പ്രാകശനവും നിര്വഹിച്ചു. കാരാക്കുറുശ്ശി ഗ്രാമ പഞ്ചായത്ത് പ്രസിഡന്റ് എ. പ്രേമലത അധ്യക്ഷയായ പരിപാടിയില് വിവിധ ക്ഷേമകാര്യ സ്റ്റാന്ഡിങ് കമ്മിറ്റി അധ്യക്ഷന്ന്മാര്, ഗ്രാമപഞ്ചായത്ത് സെക്രട്ടറി ബിനു, ജനപ്രതിനിധികള് തുടങ്ങിയവര് പങ്കെടുത്തു. പ്രാദേശികതലത്തില് വികസന ആശയങ്ങള് അവതരിപ്പിക്കുന്നതിനും പൊതുജനാഭിപ്രായം ഉള്ക്കൊള്ളുന്നതിനുമായാണ് വികസന സദസ് സംഘടിപ്പിക്കുന്നത്. ഗ്രാമപഞ്ചായത്ത്, നഗരസഭ, കോര്പ്പറേഷന് തലങ്ങളിലാണ് വികസന സദസുകള് നടക്കുക.
