പാലക്കാട് ജില്ലാ പഞ്ചായത്ത് വാര്ഷിക പദ്ധതി 2025 -26 ല് ഉള്പ്പെടുത്തി നടപ്പിലാക്കുന്ന ബോട്ടില് ബൂത്ത്, ജില്ലാ പഞ്ചായത്തിന് മുന്ഭാഗത്തുള്ള റോഡ് നവീകരണം എന്നിവയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ ബിനുമോള് നിര്വഹിച്ചു.
ജില്ലാ പഞ്ചായത്ത് വൈസ് പ്രസിഡന്റ് സി കെ ചാമുണ്ണി അധ്യക്ഷത വഹിച്ചു. സ്റ്റാന്ഡിങ് കമ്മിറ്റി ചെയര്പേഴ്സണ്മാരായ എ ഷാബിറ, ശാലിനി കറുപ്പേഷ്, അനിത പോൾസണ് , പി സി നീതു, ജില്ലാ പഞ്ചായത്ത് സെക്രട്ടറി എം രാമന്കുട്ടി, ഫൈനാന്സ് ഓഫീസര് അനില്കുമാര്, ജില്ലാ പഞ്ചായത്ത് ഭരണ സമിതി അംഗങ്ങള് തുടങ്ങിയവര് പങ്കെടുത്തു.
