കൊച്ചി: തൊഴിലുറപ്പ്‌ പദ്ധതിയില്‍ എളങ്കുന്നപ്പുഴ ഗവ. ഹൈസ്കൂളിൽ ഫലവൃക്ഷത്തോട്ടം നിർമ്മാണ ഉദ്ഘാടനം നടത്തി . വൃ​ക്ഷ​ത്തൈ ന​ട്ട് ഇടപ്പള്ളി ബ്ലോക്ക് പഞ്ചായത്ത് വൈസ് പ്രസിഡന്റ് ലില്ലി ആൽബർട്ടാണ് ഉ​ദ്ഘാ​ട​നം ചെ​യ്തത്.

വി​ഷ ര​ഹി​ത പ​ഴ​ങ്ങ​ൾ ല​ഭി​ക്ക​ണ​മെ​ങ്കി​ൽ നാം ​ന​ട്ടു​വ​ള​ർ​ത്തി പ​രി​പാ​ലി​ച്ച് ഫ​ലം നേടണ​മെ​ന്ന സ​ന്ദേ​ശം കു​ട്ടി​ക​ളി​ൽ വളർത്തി എടുക്കുന്നതിന്റെ ഭാഗമായാണ് ഇടപ്പള്ളി ബ്ലോക്ക് പഞ്ചായത്തും എളങ്കുന്നപ്പുഴ ഗവ. ഹയർ സെക്കൻഡറി സ്കൂളും സംയുക്തമായി ഫലവൃക്ഷത്തോട്ടം സ്കൂളിൽ നിർമ്മിക്കാൻ തീരുമാനിച്ചത്.

മാവ്, പേര, റംബൂട്ടാൻ, മാംഗോസ്റ്റിൻ, വേപ്പ്, നെല്ലിപ്പുളി തുടങ്ങിയ
ഫലവൃക്ഷങ്ങളാണ് സ്കൂൾ പരിസരത്ത് നട്ടത്. ഫലവൃക്ഷത്തോട്ടം വിദ്യാർത്ഥികളും, അധ്യാപകരും, മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രവർത്തകരും ചേർന്ന് പരിപാലിക്കും.

ഇടപ്പള്ളി ബ്ലോക്ക് പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർമാൻ വി എ ജോസഫ് , എളങ്കുന്നപ്പുഴ ഗവ. ഹൈസ്കൂൾ പ്രധാനാദ്ധ്യാപിക എൻ. കെ. സീമ തുടങ്ങിയവർ പങ്കെടുത്തു.

ഫോട്ടോ ക്യാപ്ഷൻ : തൊഴിലുറപ്പ്‌ പദ്ധതിയില്‍ എളങ്കുന്നപ്പുഴ ഗവ. ഹൈസ്കൂളിലെ ഫലവൃക്ഷത്തോട്ടം നിർമ്മാണ ഉദ്ഘാടനം വൃ​ക്ഷ​ത്തൈ ന​ട്ട് ഇടപ്പള്ളി ബ്ലോക്ക് പഞ്ചായത്ത് വൈസ് പ്രസിഡന്റ് ലില്ലി ആൽബർട്ട് നിർവ്വഹിക്കുന്നു