മലയിൻകീഴ് ശ്രീകൃഷ്ണസ്വാമി ക്ഷേത്രത്തിലെ ആറാട്ട് മഹോത്സവത്തോടനുബന്ധിച്ച് മാർച്ച് 20ന് മലയിൻകീഴ്, വിളവൂർക്കൽ, മാറനല്ലൂർ, വിളപ്പിൽ ഗ്രാമപഞ്ചായത്തുകൾക്ക് ജില്ലാ കളക്ടർ കെ. ഗോപാലകൃഷ്ണൻ പ്രാദേശിക അവധി പ്രഖ്യാപിച്ചു. വെള്ളനാട് ക്ഷേത്രത്തിലെ മീനഭരണി മഹോത്സവത്തോടനുബന്ധിച്ച് മാർച്ച് 28ന് വെള്ളനാട് ഗ്രാമപഞ്ചായത്ത് പ്രദേശത്ത് അവധിയായിരിക്കും.

ചിറയിൻകീഴ് ശ്രീശാർക്കര ദേവീ ക്ഷേത്രത്തിലെ മീനഭരണി മഹോത്സവത്തോടനുബന്ധിച്ച് മാർച്ച് 28ന് ചിറയിൻകീഴ്, വർക്കല താലൂക്ക് പരിധിയിലും ജില്ലാ കളക്ടർ പ്രാദേശിക അവധി പ്രഖ്യാപിച്ചു. പ്രദേശത്തെ എല്ലാ സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. മുൻ നിശ്ചയിച്ചിട്ടുള്ള പൊതുപരീക്ഷകൾക്ക് അവധി ബാധകമല്ല.