എറണാകുളം: ജില്ലയിലെ കോവിഡ് 19 രോഗപ്രതിരോധ പ്രവർത്തനങ്ങളിൽ വ്യാപൃതരായ ആരോഗ്യവകുപ്പ് ജീവനക്കാർക്ക് പഴകിറ്റുകൾ വിതരണം ചെയ്തു. ഹോർട്ടികോർപ്പാണ് വിതരണത്തിനായുള്ള പഴകിറ്റുകൾ തയ്യാറാക്കിയത്. രോഗപ്രതിരോധ പ്രവർത്തനങ്ങളിൽ പങ്കെടുക്കുന്ന ആരോഗ്യ പ്രവർത്തകർ, പോലീസ് സേനാംഗങ്ങൾ, റവന്യൂ വകുപ്പ് ജീവനക്കാർ തുടങ്ങിയവർക്കാണ് കിറ്റുകൾ വിതരണം ചെയ്യുന്നത്.
സംസ്ഥാനത്തെ വിവിധ കർഷകരിൽ നിന്നാണ് വിതരണത്തിനാവശ്യമായ പഴങ്ങൾ ഹോർട്ടികോർപ്പ് സംഭരിക്കുന്നത്. നിലവിലെ പ്രതികൂല സാഹചര്യത്തിൽ പ്രതിസന്ധിയിലായ കർഷകർക്ക് സഹായകമാകുന്ന വിധത്തിലാണ് കൃഷിവകുപ്പ് പദ്ധതി നടപ്പാക്കുന്നത്. ആരോഗ്യവകുപ്പ് ജീവനക്കാർക്കുള്ള പഴകിറ്റുകളുടെ വിതരണം ജില്ലാ കളക്ടർ എസ്. സുഹാസ് ജൂനിയർ അഡ്മിനിസ്ട്രേറ്റീവ് മെഡിക്കൽ ഓഫീസർ ഡോ. സിസി തങ്കച്ചന് നൽകി നിർവഹിച്ചു.