ഇന്ന് വീടുകളിൽ നിരീക്ഷണത്തിനായി 17 പേരെയാണ് പുതിയതായി ഉൾപ്പെടുത്തിയത്. നിരീക്ഷണ കാലയളവ് അവസാനിച്ചതിനെ തുടർന്ന് 46 പേരെ നിരീക്ഷണ പട്ടികയിൽ നിന്നും ഒഴിവാക്കി. ഇതോടെ ജില്ലയിൽ വീടുകളിൽ നിരീക്ഷണത്തിൽ ഉള്ളവരുടെ ആകെ എണ്ണം 341 ആയി. ഇതിൽ 97 പേർ ഹൈ റിസ്ക്ക് വിഭാഗത്തിൽ ഉൾപ്പെട്ടതിനാൽ 28 ദിവസത്തെ നിരീക്ഷണത്തിലും, 244 പേർ ലോ റിസ്ക് വിഭാഗത്തിൽ ഉൾപ്പെട്ടതിനാൽ 14 ദിവസത്തെ നിരീക്ഷണത്തിലും ആണ്.

• ഇന്ന് പുതുതായി ഒരാളെ കളമശ്ശേരി മെഡിക്കൽ കോളേജിൽ നിരീക്ഷണത്തിൽ പ്രവേശിപ്പിച്ചു .

• ഇന്ന് ആശുപത്രിയിൽ നിരീക്ഷണത്തിലുണ്ടായിരുന്ന ഒരാളെ ഡിസ്ചാർജ് ചെയ്തു. സ്വകാര്യ ആശുപത്രിയിൽ നിരീക്ഷണത്തിൽ കഴിഞ്ഞിരുന്നയാളെയാണ് ഒരാളെയാണ് ഡിസ്ചാർജ് ചെയ്തത് .

• നിലവിൽ 19 പേരാണ് ജില്ലയിലെ വിവിധ ആശുപത്രികളിലെ ഐസൊലേഷൻ വാർഡുകളിൽ കഴിയുന്നത്.
• കളമശ്ശേരി മെഡിക്കൽ കോളേജ് – 7
• ആലുവ ജില്ലാ ആശുപത്രി – 3
• കരുവേലിപ്പടി താലൂക്ക് ആശുപത്രി – 2
• സ്വകാര്യ ആശുപത്രികൾ – 7

• ഇന്ന് ജില്ലയിൽ നിന്നും 50 സാമ്പിളുകൾ കൂടി പരിശോധനയ്ക്ക് അയച്ചിട്ടുണ്ട്. 53 സാമ്പിളുകളുടെ പരിശോധന ഫലങ്ങൾ ലഭിച്ചു. ഇവയെല്ലാം നെഗറ്റീവ് ആണ്. ഇനി 52 സാമ്പിൾ പരിശോധന ഫലങ്ങൾ കൂടി ലഭിക്കാനുണ്ട്.

• ഇന്ന് 190 കോളുകൾ ആണ് കൺട്രോൾ റൂമിൽ ലഭിച്ചത്. ഇതിൽ 127 കോളുകൾ പൊതുജനങ്ങളിൽ നിന്നുമായിരുന്നു. ലോക്ക് ഡൗൺ ഇളവുകൾ സംബന്ധിച്ച വിവരങ്ങൾ അറിയുവാനും കോളുകൾ എത്തി. ഏതൊക്കെ വ്യാപാര സ്ഥാപനങ്ങൾ തുറക്കാമെന്ന് അന്വഷിച്ചുകൊണ്ടുമുള്ള കോളുകൾ എത്തി. സാമൂഹിക അകലം പാലിച്ചു കൊണ്ട് ചുരുങ്ങിയ ജീവനക്കാരെ വെച്ചാണ് ഇളവുകൾ ലഭിച്ച മേഖലകളിൽ പ്രവർത്തനം നടത്തേണ്ടത് എന്ന് നിർദേശം നൽകി.

• കൊറോണ പ്രതിരോധ ബോധവത്കരണ പ്രവർത്തനങ്ങളുടെ ഭാഗമായി എറണാകുളത്ത് അതിഥി തൊഴിലാളികളുടെ ക്യാമ്പുകൾ സന്ദർശിച്ച് 150 അതിഥി തൊഴിലാളികൾക്ക് ബോധവത്ക്കരണം നൽകി.

• ഇന്ന് ജില്ലയിൽ 122 കമ്മ്യൂണിറ്റി കിച്ചനുകൾ പ്രവർത്തിച്ചു. ഇതിൽ 91 എണ്ണം പഞ്ചായത്തുകളിലും, 31 എണ്ണം നഗരസഭകളിലുമാണ്. ഇവിടങ്ങൾ വഴി 21854 പേർക്ക് ഫുഡ് കിറ്റുകൾ നൽകി. ഇതിൽ 5261 പേർ ഇതര സംസ്ഥാന തൊഴിലാളികൾ ആണ്.

• വാർഡ് തലങ്ങളിൽ പ്രവർത്തിക്കുന്ന ആരോഗ്യ പ്രവർത്തകരുടെ സംഘങ്ങൾ ഇന്ന് 4,062 വീടുകൾ സന്ദർശിച്ചു ബോധവൽക്കരണം നടത്തി. വീടുകളിൽ നിരീക്ഷണത്തിൽ കഴിയുന്നവരുമായി ഫോൺ വഴി ബന്ധപ്പെട്ട് ആരോഗ്യ സ്ഥിതിയും വിലയിരുത്തി വരുന്നു.

• ജില്ലയിൽ പ്രവർത്തനം ആരംഭിച്ച കോവിഡ് കെയർ സെന്ററുകളിലായി 39 പേർ നിരീക്ഷണത്തിൽ കഴിയുന്നുണ്ട്. ഇവരെല്ലാം തന്നെ തൃപ്പൂണിത്തുറ ഗവൺമെന്റ് ആയുർവേദ ആശുപത്രിയിൽ പ്രവർത്തിക്കുന്ന കോവിഡ് കെയർ സെന്ററിലാണ്.

• ജില്ലാ മാനസികാരോഗ്യ പരിപാടിയുടെ നേതൃത്വത്തിൽ ഇന്ന് നിരീക്ഷണത്തിൽ കഴിയുന്ന 145 പേർക്ക് കൗൺസലിംഗ് നൽകി. ഇത് കൂടാതെ കൺട്രോൾ റൂമിലേക്ക് വിളിച്ച 12 പേർക്കും ഇത്തരത്തിൽ കൗൺസലിംഗ് നൽകി.

• ഐ. എം. എ ഹൗസിൽ പ്രവർത്തിക്കുന്ന ടെലി ഹെൽത്ത് ഹെൽപ്പ് ലൈൻ സംവിധാനത്തിൽ നിന്ന് വീഡിയോ കോൾ വഴി ഇന്ന് നിരീക്ഷണത്തിൽ കഴിയുന്ന 7 പേരെ വിളിച്ചു. ഇവർ ഡോക്ടറുമായി നേരിൽ കണ്ട് സംസാരിക്കുകയും ആശങ്കകൾ പരിഹരിക്കുകയും ചെയ്തു.

• ഇന്നലെ (25 .04.2) കൊച്ചി തുറമുഖത്ത് 3 കപ്പലുകൾ എത്തി. അതിലെ 92 ക്രൂ അംഗങ്ങളെ പരിശോധിച്ചതിൽ ആർക്കും തന്നെ രോഗലക്ഷങ്ങളില്ല
Data update

Home quarantine new 17
No. of persons released from home quarantine 46
Home quarantine total 341

Hospital isolation today 1 (GMC)

Discharge from Isolation 1(pvt)
Hospital isolation total 19 (GMC-7 , DH Aluva -3 ,GMTH Karuvelipady-,2 Pvt – 7 )

Positive case today Nil
Total positive case till date 25
Total positive cases under treatment 2

Sample sent today 50
Results received today 53
Results awaiting 52

No. of Covid Care Centres/Short Stay Homes 36
Total persons quarantined at Covid Care Centres 39

Total calls received at Call centre 190