സി-ഡിറ്റ് സൈബര്‍ശ്രീ പട്ടികജാതി വിഭാഗക്കാര്‍ക്കായി സോഫ്റ്റ്‌വെയര്‍ വികസനം, ടുഡി ആന്റ് ത്രീഡി ഗെയിം വികസനം, പോസ്റ്റ് പ്രൊഡക്ഷന്‍ ടെക്‌നോളജീസ്, മെന്ററിംഗ് ആന്റ് സ്‌പെഷ്യല്‍ സപ്പോര്‍ട്ട് പ്രോഗ്രാം എന്നിവയില്‍ തിരുവനന്തപുരത്ത് പരിശീലനം നല്‍കുന്നു.
സോഫ്റ്റ്‌വെയര്‍ വികസന പരിശീലനത്തിന് കമ്പ്യൂട്ടര്‍ സയന്‍സ്, ഐ.ടി., ഇലക്‌ട്രോണിക്‌സ് ആന്റ് കമ്മ്യൂണിക്കേഷന്‍, ഇലക്ട്രിക്കല്‍ ആന്റ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം അല്ലെങ്കില്‍ എം.സി.എ./എം.എസ്.സി. കമ്പ്യൂട്ടര്‍ സയന്‍സ് അല്ലെങ്കില്‍ തത്തുല്യ യോഗ്യത നേടിയവര്‍ക്ക് അപേക്ഷിക്കാം. ഏഴ് മാസത്തെ പരിശീലനത്തില്‍ പങ്കെടുക്കുന്നവര്‍ക്ക് പ്രതിമാസം 5500 രൂപ സ്റ്റൈപ്പന്റ് ലഭിക്കും. പ്രായ പരിധി 20 നും 26 നും മദ്ധ്യേ.
ടുഡി ആന്റ് ത്രീഡി ഗെയിം വികസന ആറ് മാസത്തെ പരിശീലനത്തിന് എഞ്ചിനീയറിംഗ്/ എം.സി.എ./ബി.സി.എ. എന്നിവയില്‍ ബിരുദമുളളവര്‍ക്കും കോഴ്‌സ് പൂര്‍ത്തീകരിച്ചവര്‍ക്ക് അപേക്ഷിക്കാം. പ്രായ പരിധി 20 നും 26 നും മദ്ധ്യേ.