മോട്ടോര്‍ വാഹന വകുപ്പിന് സ്ഥിരം ഡ്രൈവിംഗ് ടെസ്റ്റ് യാഡിനും മറ്റ് അനുബന്ധ സൗകര്യങ്ങള്‍ക്കുമായി ചെറുതോണിയില്‍ സ്ഥലം അനുവദിച്ചു. മെഡിക്കല്‍ കോളേജിന് സമീപത്തായി ജില്ലാ പഞ്ചായത്തിന്റെ 50 സെന്റ് സ്ഥലമാണ് അനുവദിച്ചിരിക്കുന്നത്. ജില്ലാ വികസന കമ്മീഷണര്‍ അര്‍ജ്ജുന്‍ പാണ്ഡ്യന്‍ സ്ഥലം സന്ദര്‍ശിച്ചു. ഡ്രൈവിംഗ് ടെസ്റ്റ് നടത്തുന്നതിനും മറ്റ് സൗകര്യങ്ങള്‍ ഒരുക്കുന്നതിനുമുള്ള സാധ്യതകളും ജില്ല വികസന കമ്മീഷണര്‍ വിലയിരുത്തി. ജില്ലാ പഞ്ചായത്തംഗം കെ.ജി സത്യന്‍, ഇടുക്കി ആര്‍ ടി ഒ ആര്‍.രമണന്‍, ഡെപ്യൂട്ടി തഹസില്‍ദാര്‍ അനില്‍ കുമാര്‍ എന്നിവരും സ്ഥലം സന്ദര്‍ശിച്ചു.
