സംസ്ഥാന സര്ക്കാറിന്റെ ആഭിമുഖ്യത്തില് തദ്ദേശ സ്വയംഭരണ വകുപ്പും ഇന്ഫര്മേഷന് പബ്ലിക് റിലേഷന്സ് വകുപ്പും സംയുക്തമായി സംഘടിപ്പിക്കുന്ന വികസന സദസ് കൊഴിഞ്ഞാമ്പാറ ഗ്രാമപഞ്ചായത്തില് വൈദ്യുതി വകുപ്പ് മന്ത്രി കെ. കൃഷ്ണന് കുട്ടി ഉദ്ഘാടനം ചെയ്തു. പ്രാദേശികതലത്തില് വികസന ആശയങ്ങള് അവതരിപ്പിക്കുന്നതിനും പൊതുജനാഭിപ്രായം ഉള്ക്കൊള്ളുന്നതിനുമായാണ് വികസന സദസ് സംഘടിപ്പിക്കുന്നത്. ഗ്രാമപഞ്ചായത്ത്, നഗരസഭ, കോര്പ്പറേഷന് തലങ്ങളിലാണ് വികസന സദസുകള് നടക്കുന്നത്.
കൊഴിഞ്ഞാമ്പാറ പഞ്ചായത്ത് ഹാളില് നടന്ന പരിപാടിയില് കൊഴിഞ്ഞാമ്പാറ ഗ്രാമപഞ്ചായത്ത് പ്രസിഡന്റ് എം.സതീഷ് അധ്യക്ഷത വഹിച്ചു. ചിറ്റൂര് ബ്ലോക്ക് പഞ്ചായത്ത് ആരോഗ്യ- വിദ്യാഭ്യാസ സ്റ്റാന്റിങ് ചെയര്മാന് എന്. കെ. മണികുമാര്, കൊഴിഞ്ഞാമ്പാറ ഗ്രാമപഞ്ചായത്ത് വൈസ് പ്രസിഡന്റ് നിലാവര്ണ്ണീസ, കൊഴിഞ്ഞമ്പാറ ഗ്രാമപഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് വനജ കണ്ണന്,ആരോഗ്യ വിദ്യാഭ്യാസ സ്റ്റാന്റിങ് കമ്മറ്റി ചെയര്മാന് അല്ദോ പ്രഭു, കൊഴിഞ്ഞാമ്പാറ ഗ്രാമപഞ്ചായത്ത് സെക്രട്ടറി ജോസ് മാത്യു, കൊഴിഞ്ഞമ്പാറ ഗ്രാമ പഞ്ചായത്ത് അസിസ്റ്റന്റ് എന്ജിനീയര് ശ്രീവിദ്യ, മെമ്പര്മാര്, ഉദ്യോഗസ്ഥര്, ഹരിതകര്മ്മ സേനാംഗങ്ങള് എന്നിവര് പങ്കെടുത്തു.