മെഡിക്കൽ/ എൻജിനിയറിങ് എൻട്രൻസ്,  സിവിൽ സർവീസ്, ബാങ്കിങ് സർവീസ്, യു.ജി.സി/ജെ.ആർ.എഫ്/നെറ്റ്, ഗേറ്റ്/മാറ്റ് തുടങ്ങിയ മത്സര പരീക്ഷാ പരിശീലനം നടത്തുന്ന ഒ.ബി.സി വിഭാഗം വിദ്യാർഥികൾക്കും ഉദ്യോഗാർഥികൾക്കും ധനസഹായം അനുവദിക്കുന്നതിന് പിന്നാക്ക വിഭാഗ വികസന വകുപ്പ് അപേക്ഷ ക്ഷണിച്ചു. അംഗീകൃതവും പ്രവൃത്തി പരിചയമുള്ളതുമായ സ്ഥാപനങ്ങളിൽ പരിശീലനം നടത്തുന്നവർക്ക് അപേക്ഷിക്കാം. www.eep.bcdd.kerala.gov.in മുഖേന ഓൺലൈൻ രജിസ്‌ട്രേഷൻ നടത്തി ലഭ്യമാകുന്ന അപേക്ഷാഫോമും അനുബന്ധ രേഖകളും പിന്നാക്ക വിഭാഗവികസന വകുപ്പിന്റെ ബന്ധപ്പെട്ട മേഖലാ ഓഫീസിൽ സമർപ്പിക്കണം. അവസാന തിയതി ഒക്‌ടോബർ 31. വിശദ വിവരങ്ങൾ ഉൾക്കൊള്ളുന്ന വിജ്ഞാപനം www.bcdd.kerala.gov.in ൽ ലഭിക്കും. കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പിന്റെ മേഖലാ ഓഫീസുകളുമായി ബന്ധപ്പെടണം. ഫോൺ: എറണാകുളം മേഖലാ ഓഫീസ് 0484 2429130, കോഴിക്കോട് മേഖലാ ഓഫീസ് 0495 2377786.