ഫിഷറീസ് വകുപ്പിനു കീഴില്‍ പ്രവര്‍ത്തിക്കുന്ന സൊസൈറ്റി ഫോര്‍ അസിസ്റ്റന്റ് ടു ഫിഷര്‍ വിമണ്‍ (സാഫ്) മുഖാന്തരം തീരമൈത്രി പദ്ധതിക്കു കീഴില്‍ സീ ഫുഡ് കിച്ചണ്‍ തുടങ്ങുന്നതിന് മത്സ്യത്തൊഴിലാളി വനിതകളടങ്ങുന്ന ഗ്രൂപ്പുകളില്‍ നിന്ന് അപേക്ഷകള്‍ ക്ഷണിച്ചു.
അപേക്ഷകര്‍ എഫ്.എഫ്.ആര്‍ രജിസ്റ്ററില്‍ രജിസ്റ്റര്‍ ചെയ്തിട്ടുളളവരായിരിക്കണം. അപേക്ഷകര്‍ മത്സ്യത്തൊഴിലാളി കുടുംബങ്ങളിലെ 20 നും 50 നും ഇടയ്ക്കു പ്രായമുളള 5 പേര്‍ അടങ്ങുന്ന വനിതകളുടെ ഗ്രൂപ്പുകളായിരിക്കണം. 5 പേരടങ്ങുന്ന ഒരു ഗ്രൂപ്പിന് പരമാവധി 5,00,000/- രൂപ (ഒരാള്‍ക്ക് 1,00,000/- രൂപ വീതം) വരെ തിരിച്ചടക്കാത്ത ഗ്രാന്റായി ലഭിക്കും. അപേക്ഷ ഫോറം വിഴിഞ്ഞം ഫിഷറീസ് അസിസ്റ്റന്റ് ഡയറക്ടര്‍ ഓഫിസില്‍ നിന്നും, ജില്ലയിലെ മത്സ്യഭവന്‍ ഓഫിസുകളില്‍ നിന്നും 27.10.2020 മുതല്‍ ലഭിയ്ക്കും. അവസാന തീയതി 07.11.2020. കൂടുതല്‍ വിവരങ്ങള്‍ക്ക് 9847907161, 9809744399, 8138073864, 7560916058.