പാലക്കാട്: തദ്ദേശ തിരഞ്ഞെടുപ്പിന് മുന്നോടിയായുള്ള നാമനിർദ്ദേശ പത്രികകളുടെ സൂക്ഷ്മപരിശോധന പൂർത്തിയായ സാഹചര്യത്തിൽ നിരസിച്ചത് 188 നാമനിർദേശ പത്രികക ളാണെന്ന് ഇലക്ഷൻ ഡെപ്യൂട്ടി കലക്ടർ അറിയിച്ചു. അവശേഷിക്കുന്നത് 13554 നാമനിർദേശ പത്രികകളാണ്.
ബ്ലോക്ക്, ഗ്രാമ പഞ്ചായത്തുകൾ, നഗരസഭ എന്നിവിടങ്ങളിലായാണ് 188 നാമനിർദേശ പത്രികകൾ തള്ളിയത്. ജില്ലാ പഞ്ചായത്തിൽ നൽകിയ എല്ലാ നാമനിർദേശപത്രികകളും സ്വീകരിച്ചിട്ടുണ്ട്. ആകെ ലഭിച്ച 13742 നാമനിർദേശ പത്രികകളിലാണ് 188 എണ്ണം സൂക്ഷ്മ പരിശോധനയിൽ തള്ളിയത്.
ഗ്രാമപഞ്ചായത്തുകളിൽ ലഭിച്ച 10581 നാമനിർദ്ദേശപത്രികകളിൽ 174 അപേക്ഷകൾ നിരസിച്ചു. 10407 പത്രികകൾ സ്വീകരിച്ചു.
ബ്ലോക്ക് പഞ്ചായത്തുകളിൽ ലഭിച്ച 1225 നാമനിർദ്ദേശ പത്രികകളിൽ നാലെണ്ണം നിരസിച്ചു. 1221 എണ്ണം സ്വീകരിച്ചു.
ജില്ലാ പഞ്ചായത്തിൽ ലഭിച്ച 177 നാമനിർദ്ദേശപത്രികകളും സ്വീകരിച്ചു.
നഗരസഭകളിൽ ലഭിച്ച 1759 നാമനിർദേശ പത്രികകളിൽ 10 എണ്ണം നിരസിച്ചു.
ഇതോടെ ജില്ലയിൽ സ്വീകരിച്ച ആകെ നാമനിർദ്ദേശപത്രികകളുടെ എണ്ണം 13554 ആയി. സ്ഥാനാർഥികൾക്ക് നവംബർ 23ന് നാമനിർദേശ പത്രികകൾ പിൻവലിക്കാൻ അവസരമുണ്ട്.