കണ്ണൂർ: ജില്ലയില് ഇന്ന് (ഏപ്രില് 20) സര്ക്കാര് മേഖലയില് 101 ആരോഗ്യ കേന്ദ്രങ്ങളിലും പരിയാരം മെഡിക്കല് കോളേജിലും കൊവിഡ് വാക്സിനേഷന് നല്കും. കൂടാതെ കണ്ണൂര് ജൂബിലി മിഷന് ഹാള്, കൂത്തുപറമ്പ് മുനിസിപ്പല് സ്റ്റേഡിയം പവലിയന്, പയ്യന്നൂര് ബോയ്സ് സ്കൂള് എന്നിവ കൊവിഡ് മെഗാ വാക്സിനേഷന് കേന്ദ്രങ്ങളായി പ്രവര്ത്തിക്കും. എല്ലാ കേന്ദ്രങ്ങളിലും കോവിഷീല്ഡ് ആണ് നല്കുക.
സര്ക്കാര് വാക്സിനേഷന് കേന്ദ്രങ്ങള് കൂടാതെ നാല് സ്വകാര്യ ആശുപത്രികളും ഇന്ന് വാക്സിനേഷന് കേന്ദ്രങ്ങളായി പ്രവര്ത്തിക്കും. മെഗാ വാക്സിനേഷന് ക്യാമ്പുകളില് 500-1000 പേര്ക്കുള്ള വാക്സിനേഷന് സൗകര്യം ഒരുക്കിയിട്ടുണ്ട്. ഈ കേന്ദ്രങ്ങളില് 45 വയസിനു മുകളില് ഉള്ളവര്, ആരോഗ്യപ്രവര്ത്തകര്, കൊവിഡ് മുന്നണി പോരാളികള് എന്നിവര്ക്കാണ് വാക്സിനേഷന് നല്കുന്നത്.
സര്ക്കാര് കേന്ദ്രങ്ങളില് ഈ വാക്സിനേഷന് സൗജന്യമാണ്. സ്വകാര്യ ആശുപത്രികളില് സര്ക്കാര് നിശ്ചയിച്ച നിരക്കായ 250 രൂപ നല്കണം. കോവിന് (https://www.cowin.gov.in) എന്ന വെബ്സൈറ്റോ ആരോഗ്യ സേതു ആപ്പോ വഴി ഓണ്ലൈനായി രജിസ്റ്റര് ചെയ്ത് വാക്സിന് സ്വീകരിക്കാവുന്നതാണ്. ഓണ്ലൈനായി രജിസ്റ്റര് ചെയ്യാന് പറ്റാത്തവര്ക്ക് വാക്സിനേഷന് കേന്ദ്രങ്ങളില് നേരിട്ടെത്തി രജിസ്റ്റര് ചെയ്തും വാക്സിന് സ്വീകരിക്കാവുന്നതാണ്.
ഇന്ന് (ഏപ്രില് 20) വാക്സിന് നല്കുന്ന ജില്ലയിലെ സ്വകാര്യ ആശുപത്രികള്
കണ്ണൂര് മെഡിക്കല് കോളേജ് അഞ്ചരക്കണ്ടി, കണ്ണൂര് ആസ്റ്റര് മിംസ്, കണ്ണൂര് ട്രസ്റ്റ് ഹോസ്പിറ്റല്, പെരളശ്ശേരി എ കെ ജി സ്മാരക സഹകരണാശുപത്രി.
വാക്സിനേഷന് കേന്ദ്രത്തില് പോകുമ്പോള് ആധാര് കാര്ഡോ, അംഗീകൃത ഫോട്ടോ പതിച്ച തിരിച്ചറിയല് കാര്ഡോ കരുതണം.