ഏലൂർ നഗരസഭയിലെ നവീകരിച്ച എടമ്പാടം കുളം ജില്ലാ കളക്ടർ ജാഫർ മാലിക് ഉദ്ഘാടനം ചെയ്തു. വർഷങ്ങളായി ഉപയോഗശൂന്യമായിരുന്ന കുളമാണ് നവീകരിച്ചത്. നഗരസഭയുടെ തനത് ഫണ്ടിൽ നിന്നുള്ള ആറു ലക്ഷം രൂപയും കൊച്ചിൻ ഷിപ്പ് യാർഡിന്റെ സി.എസ്.ആർ ഫണ്ടിൽ നിന്നുള്ള നാലു ലക്ഷം രൂപയും ചേർത്ത് 10 ലക്ഷം രൂപയാണ് പദ്ധതിക്കായി ചെലവാക്കിയത്. കുളം വൃത്തിയാക്കിയതിനോടൊപ്പം സംരക്ഷണ ഭിത്തിയും കെട്ടിയിട്ടുണ്ട്.
ഏലൂർ നഗരസഭാ ചെയർമാൻ എ.ഡി സുജിൽ അധ്യക്ഷത വഹിച്ച ചടങ്ങിൽ വൈസ് ചെയർമാൻ ലീല ബാബു, സ്റ്റാൻഡിംഗ് കമ്മറ്റി ചെയർപേഴ്സൺമാരായ ടി.എൻ ഷെനിൻ, പി.എ ഷെരീഫ്, ദിവ്യ നോബി, പി.ബി രാജേഷ്, വാർഡ് കൗൺസിലർ ഷൈജ ബെന്നി, നഗരസഭാ സെക്രട്ടറി പി.കെ സുഭാഷ്, നഗരസഭാ എഞ്ചിനീയർ കെ.ആർ സുഭാഷ് തുടങ്ങിയവർ പങ്കെടുത്തു.