വിദ്യാഭ്യാസ ധനസഹായത്തിന് അപേക്ഷ ക്ഷണിച്ചു
ബി.പി.എല് വിഭാഗത്തില്പ്പെട്ട വനിതകള് ഗൃഹനാഥരായിട്ടുള്ളവരുടെ സര്ക്കാര്/എയ്ഡഡ് വിദ്യാലയങ്ങളില് പഠിക്കുന്ന വിദ്യാര്ത്ഥികള്ക്ക് 2022-2023 സാമ്പത്തികവര്ഷത്തിലെ വിദ്യാഭ്യാസ ധനസഹായത്തിന് അപേക്ഷ ക്ഷണിച്ചു. സംസ്ഥാന / കേന്ദ്ര സര്ക്കാറില് നിന്നും ഒരു വിധത്തിലുളള സ്കോളര്ഷിപ്പും ലഭിക്കാത്ത 1 മുതല് പ്ലസ്ടു വരെയുള്ള വിദ്യാര്ത്ഥികള്ക്കും ഡിഗ്രി/പ്രൊഫഷണല് കോഴ്സ് പഠിക്കുന്ന വിദ്യാര്ത്ഥികള്ക്കും വിദ്യാഭ്യാസ ധനസഹായത്തിന് അര്ഹതയുണ്ടായിരിക്കും. www.schemes.wcd.kerala.gov.in വെബ്സൈറ്റ് വഴി ഓണ്ലൈനായിട്ടാണ് അപേക്ഷ സമര്പ്പിക്കേണ്ടത്. ആവശ്യമായ രേഖകള് സഹിതം സെപ്റ്റംബര് 15 ന് മുന്പ് ഓണ്ലൈന് ആയി അപേക്ഷ സമര്പ്പിക്കണം. കൂടുതല് വിവരങ്ങള്ക്ക് അടുത്തുള്ള അങ്കണവാടിയുമായോ ബ്ലോക്ക് തലത്തില് പ്രവര്ത്തിക്കുന്ന ശിശു വികസന പദ്ധതി ഓഫീസുമായോ ബന്ധപ്പെടേണ്ടതാണ്.
വനിതാരത്നം പുരസ്കാരം- അപേക്ഷ ക്ഷണിച്ചു
വിവിധ മേഖലകളില് സ്തുത്യര്ഹമായ നേട്ടങ്ങള് കൈവരിച്ച വനിതകളെ ആദരിക്കുന്നതിനായി സംസ്ഥാന സര്ക്കാരിന്റെ വനിതാരത്നം പുരസ്കാരത്തിന് അപേക്ഷ ക്ഷണിച്ചു.സാമൂഹ്യസേവനം, കായികരംഗം, പ്രതികൂല സാഹചര്യങ്ങളെ അതിജീവിച്ച് ജീവിത വിജയം നേടിയ വനിത, സ്ത്രീകളുടെയും കുട്ടികളുടെയും ശാക്തീകരണം, വിദ്യാഭ്യാസ മേഖലയിലും, ശാസ്ത്ര സാങ്കേതിക മേഖലയിലും വ്യക്തിമുദ്ര പതിപ്പിച്ച വനിത എന്നീ മേഖലകളില് പ്രാവീണ്യം തെളിയിച്ച വനിതകള്ക്കാണ് പുരസ്കാരം നല്കുന്നത്. അവാര്ഡിനായി അപേക്ഷിക്കാന് താല്പ്പര്യമുള്ള വനിതകള് ജില്ലാ വനിതാശിശുവികസന ഓഫീസുകളില് അപേക്ഷ സമര്പ്പിക്കേണ്ടതാണ്. അപേക്ഷയോടൊപ്പം പ്രവര്ത്തന മേഖല വിശദികരിക്കുന്ന രേഖകള് (പുസ്തകം, സി.ഡി, പത്രക്കുറിപ്പ്) എന്നിവ ഉള്പ്പെടുത്തേണ്ടതാണ്. അപേക്ഷ സമര്പ്പിക്കേണ്ട അവസാന തീയ്യതി നവംബര് 25.