ഗണിത ശാസ്ത്ര മേളയുടെ മുന്നൊരുക്കത്തിന്റെ ഭാഗമായി വടകര നഗരസഭയിലെ അധ്യാപകർക്ക് ശില്പശാല സംഘടിപ്പിച്ചു. നഗരസഭ ചെയർപേഴ്സൺ കെ പി ബിന്ദു പരിപാടി ഉദ്ഘാടനം ചെയ്തു. നഗരസഭയുടെ സമഗ്ര വിദ്യാഭ്യാസ പദ്ധതിയായ സ്പെയിസിന്റെ നേതൃത്വത്തിലാണ് ശില്പശാല സംഘടിപ്പിച്ചത്. എൽപി, യുപി സ്കൂളുകളിലെ അധ്യാപകർക്കായാണ് ശില്പശാല നടത്തിയത്.
വടകര ജെ ബി സ്കൂളിൽ നടന്ന പരിപാടിയിൽ വിദ്യാഭ്യാസ സ്റ്റാന്റിങ് കമ്മറ്റി ചെയർപേഴ്സൺ സിന്ധു പ്രേമൻ അധ്യക്ഷത വഹിച്ചു. സ്പെയ്സ് കോ-ഓർഡിനേറ്റർ കെ.സി. പവിത്രൻ സ്വാഗതം പറഞ്ഞു. കൗൺസിലർ പ്രതീശൻ നന്ദി അർപ്പിച്ച് സംസാരിച്ചു.