കേന്ദ്ര യുവജനകാര്യ കായിക മന്ത്രാലയത്തിന്റെ നാഷണല്‍ യൂത്ത് വൊളന്റിയര്‍ നിയമനത്തിന് അപേക്ഷ ക്ഷണിച്ചു. 30 യുവതീ യുവാക്കള്‍ക്കാണ് അവസരം. കേന്ദ്ര സംസ്ഥാന സര്‍ക്കാരുകളുടെ ക്ഷേമപദ്ധതികള്‍ യുവജന സന്നദ്ധ സംഘടനകള്‍ വഴി ജനങ്ങളിലെത്തിക്കുകയാണ് വൊളന്റിയര്‍മാരുടെ ജോലി.

2023 ഏപ്രില്‍ ഒന്നിന് 18 വയസ് പൂര്‍ത്തിയായവര്‍ക്കും 29 വയസ് കവിയാത്തവര്‍ക്കും അപേക്ഷിക്കാം. കുറഞ്ഞ യോഗ്യത എസ് എസ് എല്‍ സി വിജയം. ഉയര്‍ന്ന വിദ്യാഭ്യാസ യോഗ്യതയുള്ളവര്‍ക്കും കംപ്യൂട്ടര്‍ പരിജ്ഞാനമുള്ളവര്‍ക്കും എന്‍.എസ്.എസ്, എന്‍.സി.സി, യൂത്ത് ക്ലബ്ബ് പ്രവര്‍ത്തകര്‍ക്കും മുന്‍ഗണന. വിദ്യാര്‍ഥികള്‍, മറ്റു ജോലിയുള്ളവര്‍ അപേക്ഷിക്കേണ്ടതില്ല. എറണാകുളം ജില്ലയില്‍ സ്ഥിരതാമസക്കാരായിരിക്കണം. പരിശീലനത്തിന് ശേഷം 2023 ഏപ്രില്‍ മുതലായിരിക്കും നിയമനം.

പ്രതിമാസം 5000 രൂപ ഓണറേറിയം ലഭിക്കും. ഒരു വര്‍ഷമാണ് നിയമന കാലാവധി. മികവുളളവര്‍ക്ക് ഒരു വര്‍ഷം കൂടി ദീര്‍ഘിപ്പിക്കാം. വിദ്യാഭ്യാസ യോഗ്യതകള്‍, താമസ സ്ഥലം, വയസ് എന്നിവ തെളിയിക്കുന്ന രേഖകള്‍ സഹിതം www.nyks.nic.in എന്ന വെബ്‌സൈറ്റില്‍ മാര്‍ച്ച് 9 നകം അപേക്ഷിക്കണം.

കൂടുതല്‍ വിവരങ്ങള്‍ 0484 2422800, 8714508255 എന്ന ഫോണ്‍ നമ്പറിലോ nyk.ernakulam@gmail.com എന്ന മെയിലിലോ ജില്ലാ യൂത്ത് ഓഫീസര്‍, നെഹ്‌റു യുവകേന്ദ്ര, സിവില്‍ സ്റ്റേഷന്‍, കാക്കനാട് പി.ഒ എന്ന വിലാസത്തില്‍ ലഭിക്കും. രജിസ്‌ട്രേഷനുള്ള ലിങ്ക്: bit.ly/nyv2023