വമ്പിച്ച വിലക്കുറവിൽ അവശ്യസാധനങ്ങൾ വാങ്ങാൻ അവസരമൊരുക്കുകയാണ് പൊന്നാനി എ.വി. ഹൈസ്‌കൂൾ മൈതാനത്ത് ഒരുക്കിയ എന്റെ കേരളം പ്രദർശന മേളയിലെ സപ്ലൈകോ എക്സ്പ്രസ് മാർട്ട്. നിരവധി ഓഫറുകളുമായാണ് സപ്ലൈകോയുടെ എക്‌സ്പ്രസ് മാർട്ട് അഞ്ചാം ദിനവും ഏറ്റവും തിരക്കേറിയ സ്റ്റാളുകളിലൊന്നായി മാറുന്നത്. നാല് ദിവസം കൊണ്ട് 3,97,815 രൂപക്കുള്ള കച്ചവടമാണ് ഈ സ്റ്റാളിൽ മാത്രം നടന്നത്. രണ്ട് ലിറ്റർ ശബരി വെളിച്ചെണ്ണയോടൊപ്പം ഒരു ലിറ്റർ ശബരി വെളിച്ചെണ്ണ സൗജന്യമായി നൽകുന്നതാണ് സ്റ്റോളിലെ ഏറ്റവും പ്രധാന ആകർഷണം.