ഒല്ലൂർ നവകേരള സദസ്സിൽ മുഖ്യമന്ത്രിയെ വരവേൽക്കാൻ തൃശൂർ ജില്ലയുടെ മുത്തശ്ശി ജാനകിയമ്മയും എത്തി. വാർധക്യത്തിൻ്റെ അവശതകൾ തെല്ലും ഇല്ലാതെയാണ് ജനനായകനെ ആദരവോടെയും ആവേശത്തോടെയും വരവേൽക്കാൻ ജാനകിയമ്മയും ഒല്ലൂർ നവകേരള സദസ്സിൽ എത്തിയത്. സ്നേഹാദരങ്ങളോടെയാണ് മുഖ്യമന്ത്രി പിണറായി വിജയൻ ജാനകിയമ്മയുടെയും ഒല്ലൂർ മണ്ഡലത്തിൻ്റെയും വരവേൽപ്പ് ഏറ്റുവാങ്ങിയത്.

പുത്തൂർ പഞ്ചായത്ത് ചെറുകുന്ന് കിണർ സ്റ്റോപ്പിന് സമീപം വട്ടുകുളം വീട്ടിൽ ജാനകിയമ്മയാണ് ജില്ലയിലെ ഏറ്റവും പ്രായം കൂടിയ വ്യക്തി. 110 വയസ്സാണ് മുത്തശ്ശിയുടെ പ്രായം. ലോക വയോജന ദിനത്തിൽ റവന്യു മന്ത്രി കെ രാജൻ വീട്ടിൽ എത്തി ജാനകിയമ്മയെ ആദരിച്ചിരുന്നു.