സംസ്ഥാനത്തെ 28 തദ്ദേശ വാർഡുകളിൽ ഫെബ്രുവരി 24ന് വോട്ടെടുപ്പ് നടത്തുന്നതിന് മുന്നൊരുക്കങ്ങൾ പൂർത്തിയായതായി സംസ്ഥാന തിരഞ്ഞെടുപ്പ് കമ്മീഷണർ എ.ഷാജഹാൻ അറിയിച്ചു. വോട്ടെടുപ്പ് തിങ്കളാഴ്ച രാവിലെ ഏഴ് മണി മുതൽ വൈകുന്നേരം ആറ് മണി വരെയാണ്.
സമ്മതിദായകർക്ക് വോട്ട് ചെയ്യുന്നതിന് തിരിച്ചറിയൽ രേഖകളായി കേന്ദ്ര തിരഞ്ഞെടുപ്പ് കമ്മീഷൻ നല്കിയിട്ടുള്ള തിരിച്ചറിയൽ കാർഡ്, പാസ്പോർട്ട്, ഡ്രൈവിംഗ് ലൈസൻസ്, പാൻകാർഡ്, ആധാർകാർഡ്, ഫോട്ടോ പതിച്ചുള്ള എസ്.എസ്.എൽ.സി ബുക്ക്, ഏതെങ്കിലും ദേശസാൽകൃത ബാങ്കിൽ നിന്നും തിരഞ്ഞെടുപ്പ് തീയതിക്ക് ആറ് മാസക്കാലയളവിന് മുൻപുവരെ നല്കിയിട്ടുള്ള ഫോട്ടോ പതിച്ച പാസ്ബുക്ക്, സംസ്ഥാന തിരഞ്ഞെടുപ്പ് കമ്മീഷൻ നല്കിയിട്ടുള്ള തിരിച്ചറിയൽ കാർഡ് എന്നിവ ഉപയോഗിക്കാം.
വയനാട് ഒഴികെയുള്ള 13 ജില്ലകളിലെ 30 വാർഡുകളിലെ ഉപതിരഞ്ഞെടുപ്പിനാണ് വിജ്ഞാപനം പുറപ്പെടുവിച്ചിരുന്നത്. കാസർകോട് ജില്ലയിൽ മടിക്കൈ ഗ്രാമപഞ്ചായത്തിലെ കോളിക്കുന്ന്, കയ്യൂർ ചീമേനി ഗ്രാമപഞ്ചായത്തിലെ പള്ളിപ്പാറ വാർഡുകളിൽ സ്ഥാനാർത്ഥികൾ എതിരില്ലാതെ തിരഞ്ഞെടുക്കപ്പെട്ടിരുന്നു.
ഒരു കോർപ്പറേഷൻ വാർഡ്, രണ്ട് ബ്ലോക്ക്പഞ്ചായത്ത് വാർഡുകൾ, മൂന്ന് മുനിസിപ്പാലിറ്റി വാർഡുകൾ, 22 ഗ്രാമപഞ്ചായത്ത് വാർഡുകൾ എന്നിവയിലേയ്ക്കാണ് 24 ന് വോട്ടെടുപ്പുള്ളത്.
28 വാർഡുകളിലായി ആകെ 87 സ്ഥാനാർഥികളാണ് ജനവിധി തേടുന്നത്. അതിൽ 52 പേർ സ്ത്രീകളാണ്. വോട്ടെടുപ്പിന് 77 പോളിംഗ് ബൂത്തുകൾ സജ്ജമാക്കിയിട്ടുണ്ട്. പോളിംഗ് ഉദ്യോഗസ്ഥർക്കുള്ള പരിശീലനം പൂർത്തിയായി. ബാലറ്റ് പേപ്പറുകൾ അച്ചടിച്ച് വരണാധികാരികൾക്ക് കൈമാറി. വോട്ടിംഗ് മെഷീനുകളും സജ്ജമാക്കി കഴിഞ്ഞു.
പോളിംഗിന് നിയോഗിക്കപ്പെട്ട ഉദ്യോഗസ്ഥർ വോട്ടിംഗ് മെഷീനും പോളിംഗ് സാമഗ്രികളും കൈപ്പറ്റുന്നതിനുമുള്ള നിർദ്ദേശങ്ങളും നൽകിയിട്ടുണ്ട്. വോട്ടെടുപ്പ് ദിവസം രാവിലെ ആറ് മണിക്ക് മോക്ക് പോൾ നടത്തും.
ഉപതിരഞ്ഞെടുപ്പിനുള്ള അന്തിമ വോട്ടർപട്ടിക ജനുവരി 28 ന് പ്രസിദ്ധീകരിച്ചിരുന്നു. പട്ടികയിൽ ആകെ 59116 വോട്ടർമാരാണുള്ളത്. 27843 പുരുഷന്മാരും 31273 സ്ത്രീകളും. കമ്മീഷന്റെ www.sec.kerala.gov.in വെബ്സൈറ്റിലും ബന്ധപ്പെട്ട തദ്ദേശസ്ഥാപനങ്ങളിലും വോട്ടർപട്ടിക ലഭ്യമാണ്.
ക്രമസമാധാനപാലനത്തിനുള്ള നടപടികൾ സ്വീകരിച്ചിട്ടുണ്ട്. പ്രശ്നബാധിത ബൂത്തുകളിൽ പ്രത്യേക പോലീസ് സുരക്ഷ ഏർപ്പെടുത്തും. വോട്ടെണ്ണൽ ഫെബ്രുവരി 25 ന് രാവിലെ 10 ന് വിവിധ കേന്ദ്രങ്ങളിൽ നടത്തും. തിരഞ്ഞെടുപ്പ് ഫലം കമ്മീഷന്റെ വെബ്സൈറ്റിലെ https://www.sec.kerala.gov.in/public/te/ ലിങ്കിൽ ലഭ്യമാകും.
സ്ഥാനാർഥികളുടെ തിരഞ്ഞെടുപ്പ് ചെലവ് കണക്ക് അതത് തദ്ദേശസ്ഥാപന സെക്രട്ടറിക്ക് തിരഞ്ഞെടുപ്പ് ഫലപ്രഖ്യാപന തീയതി മുതൽ 30 ദിവസത്തിനകം നൽകേണ്ടതാണ്.
തിരഞ്ഞെടുപ്പ് നടക്കുന്ന തദ്ദേശ വാർഡുകൾ (ജില്ല, തദ്ദേശ സ്ഥാപനം, വാർഡ് നമ്പർ, വാർഡിന്റെ പേര് ക്രമത്തിൽ)
ക്രമ
നമ്പർ
|
ജില്ല | തദ്ദേശ സ്ഥാപനത്തിന്റെ
നമ്പരും പേരും |
നിയോജക
മണ്ഡലത്തിന്റെ/ വാർഡിന്റെ നമ്പരും പേരും |
1 | തിരുവനന്തപുരം | സി 01 തിരുവനന്തപുരം
മുനിസിപ്പൽ കോർപ്പറേഷൻ |
79 ശ്രീവരാഹം |
2 | തിരുവനന്തപുരം | ജി 17 കരുംകുളം
ഗ്രാമപഞ്ചായത്ത് |
18 കൊച്ചുപള്ളി |
3 | തിരുവനന്തപുരം | ജി 34 പൂവച്ചൽ
ഗ്രാമപഞ്ചായത്ത് |
05 പുളിങ്കോട് |
4 | തിരുവനന്തപുരം | ജി 52 പാങ്ങോട്
ഗ്രാമപഞ്ചായത്ത് |
01 പുലിപ്പാറ |
5 | കൊല്ലം | എം 87 കൊട്ടാരക്കര
മുനിസിപ്പാലിറ്റി |
20 കല്ലുവാതുക്കൽ |
6 | കൊല്ലം | ബി 16 അഞ്ചൽ
ബ്ലോക്ക്പഞ്ചായത്ത് |
07 അഞ്ചൽ |
7 | കൊല്ലം | ബി 17 കൊട്ടാരക്കര
ബ്ലോക്ക്പഞ്ചായത്ത് |
08 കൊട്ടറ |
8 | കൊല്ലം | ജി 02 കുലശേഖരപുരം
ഗ്രാമപഞ്ചായത്ത് |
18 കൊച്ചുമാംമൂട് |
9 | കൊല്ലം | ജി 04 ക്ലാപ്പന
ഗ്രാമപഞ്ചായത്ത് |
02 പ്രയാർ തെക്ക് ബി |
10 | കൊല്ലം | ജി 30 ഇടമുളക്കൽ
ഗ്രാമപഞ്ചായത്ത് |
08 പടിഞ്ഞാറ്റിൻ കര |
11 | പത്തനംതിട്ട | എം 09 പത്തനംതിട്ട
മുനിസിപ്പാലിറ്റി |
15 കുമ്പഴ നോർത്ത് |
12 | പത്തനംതിട്ട | ജി 13 അയിരൂർ
ഗ്രാമപഞ്ചായത്ത് |
16 തടിയൂർ |
13 | പത്തനംതിട്ട | ജി 18 പുറമറ്റം
ഗ്രാമപഞ്ചായത്ത്
|
01 ഗ്യാലക്സി നഗർ |
14 | ആലപ്പുഴ | ജി 33 കാവാലം
ഗ്രാമപഞ്ചായത്ത് |
03 പാലോടം |
15 | ആലപ്പുഴ | ജി 36 മുട്ടാർ
ഗ്രാമപഞ്ചായത്ത് |
03 മിത്രക്കരി ഈസ്റ്റ് |
16 | കോട്ടയം | ജി 26 രാമപുരം
ഗ്രാമപഞ്ചായത്ത് |
07 ജി വി സ്കൂൾ വാർഡ് |
17 | ഇടുക്കി | ജി 30 വാത്തിക്കുടി
ഗ്രാമപഞ്ചായത്ത് |
07 ദൈവംമേട്
|
18 | എറണാകുളം | എം 22 മൂവാറ്റുപുഴ
മുനിസിപ്പാലിറ്റി |
13 ഈസ്റ്റ്
ഹൈസ്കൂൾ വാർഡ് |
19 | എറണാകുളം | ജി 18 അശമന്നൂർ
ഗ്രാമപഞ്ചായത്ത് |
10 മേതല തെക്ക് |
20 | എറണാകുളം | ജി 54 പൈങ്ങോട്ടൂർ
ഗ്രാമപഞ്ചായത്ത് |
10 പനങ്കര |
21 | എറണാകുളം | ജി 79 പായിപ്ര
ഗ്രാമപഞ്ചായത്ത് |
10 നിരപ്പ് |
22 | തൃശ്ശൂർ | ജി 07 ചൊവ്വന്നൂർ
ഗ്രാമപഞ്ചായത്ത് |
11 മാന്തോപ്പ് |
23 | പാലക്കാട് | ജി 44 മുണ്ടൂർ
ഗ്രാമപഞ്ചായത്ത് |
12 കീഴ്പാടം |
24 | മലപ്പുറം | ജി 27 കരുളായി
ഗ്രാമപഞ്ചായത്ത് |
12 ചക്കിട്ടാമല |
25 | മലപ്പുറം | ജി 91 തിരുനാവായ
ഗ്രാമപഞ്ചായത്ത് |
08 എടക്കുളം ഈസ്റ്റ് |
26 | കോഴിക്കോട് | ജി 06 പുറമേരി
ഗ്രാമപഞ്ചായത്ത് |
14 കുഞ്ഞല്ലൂർ |
27 | കണ്ണൂർ | ജി 65 പന്ന്യന്നൂർ
ഗ്രാമപഞ്ചായത്ത് |
03 താഴെ ചമ്പാട്
|
28 | കാസർഗോഡ് | ജി 26 കോടോം ബേളൂർ
ഗ്രാമപഞ്ചായത്ത് |
05 അയറോട്ട് |