ഭാവി വികസന-ക്ഷേമ പ്രവർത്തനങ്ങൾക്ക് രൂപം നൽകാൻ പൊതുജനാഭിപ്രായം സ്വരൂപിക്കുന്നതിന് തദ്ദേശസ്ഥാപനങ്ങളിൽ സംഘടിപ്പിക്കുന്ന വികസന സദസ്സ് ഒക്ടോബർ 10 ന് ചെറുതന ഗ്രാമപഞ്ചായത്തിൽ നടക്കും. ഉച്ചക്ക് രണ്ട് മണിക്ക് ആയാപറമ്പ് എച്ച് എസ് അങ്കണത്തിലെ സൈക്ലോൺ ഷെൽറ്ററിൽ ഹരിപ്പാട് ബ്ലോക്ക് പഞ്ചായത്ത് പ്രസിഡന്റ് രുഗ്മിണി രാജു സദസ്സ് ഉദ്ഘാടനം ചെയ്യും. സർക്കാരിൻ്റെ വികസന-ക്ഷേമ പ്രവർത്തനങ്ങളുടെ അവതരണം, ഗ്രാമപഞ്ചായത്തിന്റെ പ്രോഗ്രസ്സ് റിപ്പോർട്ട് അവതരണം, വിവിധ വ്യക്തികളെ ആദരിക്കൽ, ചർച്ച, തൊഴിൽമേള എന്നിവ സദസ്സിന്റെ ഭാഗമായി നടക്കും. ഉദ്ഘാടന ചടങ്ങിൽ ഗ്രാമപഞ്ചായത്ത് പ്രസിഡന്റ് ജോൺമാത്യു (എബിമാത്യു) അധ്യക്ഷനാകും. പഞ്ചായത്തംഗം അനില പ്രോഗ്രസ് റിപ്പോർട്ട് പ്രകാശനം ചെയ്യും. റിസോഴ്സ് പെഴ്സൺ ആർ രഞ്ജിത്ത് സംസ്ഥാന സർക്കാരിന്റെ വികസന ക്ഷേമ പ്രവർത്തനങ്ങളും പഞ്ചായത്ത് സെക്രട്ടറി പി ശ്രീദേവിയമ്മ പഞ്ചായത്തിന്റെ വികസന നേട്ടങ്ങളും അവതരിപ്പിക്കും. ആസൂത്രണസമിതി അംഗം സി പ്രസാദ് ഓപ്പൺ ഫോറം നയിക്കും. വൈസ് പ്രസിഡന്റ് പത്മജ മധു, ജില്ലാ പഞ്ചായത്തംഗം എ ശോഭ, മറ്റ് ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.
