എറണാകുളം: ജില്ലയിലെ പകര്‍ച്ചവ്യാധി പ്രതിരോധപ്രവര്‍ത്തനങ്ങുടെ ഭാഗമായുള്ള ഉറവിടനശീകരണ പ്രവര്‍ത്തനങ്ങൾക്ക് തുടക്കമായി. ഡെങ്കിപ്പനി, എലിപ്പനി തുടങ്ങിയ മാരക പകര്‍ച്ചവ്യാധികളെ പ്രതിരോധിക്കുന്നതിന്റെ ഭാഗമായുള്ള ഉറവിട നശീകരണത്തിന്റെ ജില്ലാതല ഉദ്ഘാടനം ജില്ലാ കളക്ടര്‍ എസ്. സുഹാസ് കളക്ട്രേറ്റ് വളപ്പില്‍ നിര്‍വ്വഹിച്ചു.
ഇതിന്റെ ഭാഗമായി ജില്ലയിലെ എല്ലാ സ്ഥാപനങ്ങളും ഓഫീസുകളും വ്യാഴാഴ്ച ഡ്രൈ ഡേ ആചരിച്ചു. ജില്ലാതല ഉദ്ഘാടന ചടങ്ങില്‍ ജില്ലയിലെ നോണ്‍ കോവിഡ് നോഡല്‍ ഫീസര്‍ ഡോ. വിനോദ് പൗലോസ്, ജില്ലാ ഹെല്‍ത്ത് ഓഫീസര്‍ പി.എന്‍ ശ്രീനിവാസന്‍, ജില്ലാ മലേറിയ ഓഫീസര്‍ എം. സുമയ്യ, സീനിയര്‍ ബയോളജിസ്റ്റ് എ. എം അബ്ദുൾ ജബ്ബാര്‍ തുടങ്ങിയവര്‍ പങ്കെടുത്തു.
