തിരുവനന്തപുരം:വര്‍ക്കല ശിവഗിരിയിലേക്കുള്ള റോഡ് ഇനി സമ്പൂര്‍ണ എല്‍.ഇ.ഡി വെളിച്ചത്തില്‍ തിളങ്ങും. ശ്രീനാരായണ ധര്‍മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ എല്‍.ഇ.ഡി. ലൈറ്റ് സംവിധാനത്തിന്റെ ഉദ്ഘാടനം നിര്‍വഹിച്ചു. വി.ജോയി എം.എല്‍.എ.യുടെ അഭ്യര്‍ത്ഥന പ്രകാരം ടൂറിസം വകുപ്പാണ് 50 ലക്ഷത്തോളം രൂപ ചെലവഴിച്ച് എല്‍.ഇ.ഡി. ലൈറ്റുകള്‍ സ്ഥാപിച്ചത്. പ്രത്യേകം തൂണുകള്‍ സ്ഥാപിച്ച് ആകെ 119 ലൈറ്റുകളാണ് ഇവിടെ ക്രമീകരിച്ചിട്ടുള്ളത്. ശിവഗിരി തീര്‍ത്ഥാടനത്തിന്റെ പശ്ചാലത്തില്‍ അടിയന്തരമായാണ് ലൈറ്റുകള്‍ മാറ്റി സ്ഥാപിച്ചത്.
