ലോക ക്ഷയരോഗ ദിനാചരണത്തില്‍ കുമ്പള സി.എച്ച് സിയില്‍ നടത്തിയ ഡോട്ട് കുടുംബ സംഗമം നവ്യാനുഭവമായി. മെഡിക്കല്‍ ഓഫീസര്‍ ഡോ.കെ ദിവാകരറൈ ഡോട്ട് കുടുംബസംഗമം ഉദ്ഘാടനം ചെയ്തു. ക്ഷയ രോഗത്തിന് മരുന്ന് കഴിച്ച് രോഗം പൂര്‍ണ്ണമായി ദേദമായവരും, നേരിട്ടുള്ള നിരീക്ഷണത്തില്‍ ഗുളിക കഴിപ്പിച്ചവരും, ആരോഗ്യപ്രവര്‍ത്തകരും, ആശാമാരും അവരുടെ അനുഭവങ്ങള്‍ പങ്കുവെച്ചു. പെന്‍ഷന്‍ പദ്ധതിയും, ആരോഗ്യവകുപ്പിന്റെ കരുതലും, പോഷകാഹാരവും ചര്‍ച്ചാ വിഷയമായി. രോഗം വായുവിലുടെ പകരുന്നതാണെന്നും, മറ്റുള്ളവര്‍ക്ക് രോഗം പകരാതെ തടയാന്‍ ബോധവത്കരണം നടത്തുമെന്ന ദൃഢ പ്രതിജ്ഞയോടെയാണ് സംഗമം അവസാനിച്ചത്. ഹെല്‍ത്ത് സൂപ്പര്‍വൈസര്‍ ബി.അഷ്‌റഫ് അദ്ധ്യക്ഷത വഹിച്ചു. ജൂനിയര്‍ ഹെല്‍ത്ത് ഇന്‍സ്‌പെക്ടര്‍ സി സി ബാലചന്ദ്രന്‍ പ്രതിജ്ഞ ചൊല്ലികൊടുത്തു. ഹെല്‍ത്ത് ഇന്‍സ്‌പെക്ടര്‍ ഗന്നിമോള്‍, പി.എച്ച്എന്‍ വി.കുഞ്ഞാമി, ജെ.പി.എച്ച്എന്‍മാരായ എസ്.ശാരദ, യു.സബീന, നഴ്‌സിംഗ് ഓഫീസര്‍ ബിസ്മി, ജെ.എച്ച്‌ഐ ആദര്‍ശ്, ആശ പ്രവര്‍ത്തക വീണ ജനാര്‍ദ്ദനന്‍ എന്നിവര്‍ പ്രസംഗിച്ചു.
