ശുചിത്വ മാലിന്യ സംസ്‌ക്കരണ പദ്ധതിയുടെ ഭാഗമായി മുട്ടുങ്ങല്‍ സൗത്ത് യു.പി സ്‌കൂളില്‍ കലക്ടേഴ്സ് ബിന്‍ സ്ഥാപിച്ചു. ചോറോട് ഗ്രാമപഞ്ചായത്തിന്റെ നേതൃത്വത്തിലാണ് ബിന്‍ സ്ഥാപിച്ചത്. പരിപാടിയുടെ ഉദ്ഘാടനം പഞ്ചായത്ത് പ്രസിഡന്റ് പി.പി.ചന്ദ്രശേഖരന്‍ സ്‌കൂള്‍ ലീഡര്‍ നജാ ഫാത്തിമയ്ക്ക് ബിന്‍ കൈമാറി നിര്‍വ്വഹിച്ചു.
ചടങ്ങില്‍ സ്‌കൂള്‍ പ്രധാനധ്യപിക ജീജ കെ അധ്യക്ഷത വഹിച്ചു. വാര്‍ഡ് മെമ്പര്‍ കെ.കെ റിനീഷ്, പി.ടി.എ പ്രസിഡന്റ് രജീഷ് പി.പി, വി.ഇ.ഒ വിപിന്‍ കുമാര്‍, അധ്യാപകര്‍, വിദ്യാര്‍ത്ഥികള്‍ തുടങ്ങിയവര്‍ ചടങ്ങില്‍ പങ്കെടുത്തു.