വയർമാൻ പെർമിറ്റിന് അർഹത നേടിയവർക്കായി ഏകദിന പരിശീലന പരിപാടി നടത്തി. കോഴിക്കോട് ജില്ലാ പ്ലാനിങ്ങ് സെക്രട്ടേറിയേറ്റ് കോൺഫറൻസ് ഹാളിൽ വച്ച് നടന്ന ഏകദിന പരിശീലന പരിപാടിയുടെ ഉദ്ഘാടനം കോഴിക്കോട് ഡെപ്യൂട്ടി ചീഫ് ഇലക്ട്രിക്കൽ ഇൻസ്പെക്ടർ സാഗർ വി.കെ നിർവഹിച്ചു. ജില്ലയിൽ നിന്നും 2021 ലെ വയർമാൻ പ്രായോഗിക പരീക്ഷ പാസ്സായി വയർമാൻ പെർമിറ്റിന് അർഹത നേടിയവർക്കായാണ് പരിശീലന പരിപാടി സംഘടിപ്പിച്ചത്.

ജില്ലാ ഇലക്ട്രിക്കൽ ഇൻസ്പെക്ടർ ഋജു ദീപക് കെ.സി അധ്യക്ഷത വഹിച്ച പരിപാടിയിൽ ഡെപ്യൂട്ടി ഇലക്ട്രിക്കൽ ഇൻസ്പെക്ടർ ശ്രീജ ടി കെ, അസിസ്റ്റന്റ് ഇലക്ട്രിക്കൽ ഇൻസ്പെക്ടർമാരായ സന്തോഷ് വി, ശിമ്മീർ പി.പി, സജിത്ത് പി.സി എന്നിവർ ക്ലാസ്സുകൾ നടത്തി. പരിശീല പരിപാടിയുടെ ഭാഗമായി മിംസ് ആശുപത്രി എമർജൻസി സർവ്വീസ് വിഭാഗത്തിന്റെ പ്രഥമ ശുശ്രൂഷ പരിശീലനവും,പരിശീലനം പൂർത്തിയാക്കിയവർക്ക് സർട്ടിഫിക്കറ്റ് വിതരണവും നടന്നു.