രണ്ടാംഘട്ട പ്രവർത്തനങ്ങളിൽ കാറ്റഗറി ഒന്ന്, രണ്ട്, മൂന്ന് എന്നീ അടിസ്ഥാനത്തിലാണ് തദ്ദേശ സ്വയംഭരണ സ്ഥാപനങ്ങളെ തരംതിരിച്ചിരിക്കുന്നത്. കാറ്റഗറി ഒന്നിൽ ഉള്ള 75 തദ്ദേശ സ്വയംഭരണ സ്ഥാപനങ്ങൾക്ക് മാലിന്യരഹിതമായി മാറാനും യൂസർ ഫീ സംവിധാനം 100 ശതമാനത്തിൽ എത്തിക്കാനും ഓഗസ്റ്റ് 31 വരെ സമയം നൽകും. മറ്റ് തദ്ദേശ സ്വയംഭരണ സ്ഥാപനങ്ങൾക്ക് ഇത് യഥാക്രമം സെപ്റ്റംബർ, നവംബർ മാസങ്ങളിലാകും. ഒന്നാം ഘട്ടത്തിലെ പോരായ്മകൾ പരിഹരിച്ചാവണം രണ്ടാംഘട്ട പ്രവർത്തനമെന്നും മാലിന്യ സംസ്കരണ – ശിക്ഷാനടപടികൾ കൂടുതൽ ശക്തമായി നടപ്പാക്കണമെന്നും അഭിപ്രായമുയർന്നു. എംസിഎഫുകളുടെ നവീകരണം പുനരുദ്ധാരണം ഗൗരവത്തോടെ പരിഗണിക്കാനും തീരുമാനിച്ചു.