കുന്നുമ്മൽ ബ്ലോക്ക് പഞ്ചായത്ത് ജനകീയാസൂത്രണ പദ്ധതിയിൽ ഉൾപ്പെടുത്തി പാടശേഖര സമിതിക്ക് പവർ ടില്ലറും മോട്ടോറുകളും കൈമാറി. വേളം പഞ്ചായത്തിലെ തയ്യാട്ട് താഴ പാടശേഖര സമിതിക്കാണ് 2022 – 23 വാർഷിക പദ്ധതിയിലുൾപ്പെടുത്തി പവർ ടില്ലറും രണ്ട് മോട്ടോറുകളും കൈമാറിയത്. ബ്ലോക്ക് പഞ്ചായത്ത് പ്രസിഡന്റ് കെ.പി ചന്ദ്രി ഉപകരണങ്ങൾ കൈമാറി.

ചടങ്ങിൽ വേളം ഗ്രാമ പഞ്ചായത്ത് പ്രസിഡന്റ് നയീമ കുളമുള്ളതിൽ അധ്യക്ഷത വഹിച്ചു. ബ്ലോക്ക് വൈസ് പ്രസിഡന്റ് മുഹമ്മദ് കക്കട്ടിൽ മുഖ്യാതിഥിയായി. മെമ്പർ ടി.വി കുഞ്ഞിക്കണ്ണൻ, ഗ്രാമപഞ്ചായത്ത് മെമ്പർമാർ, വിവിധ രാഷ്ട്രീയ കക്ഷി പ്രതിനിധികൾ, കർഷകർ എന്നിവർ പങ്കെടുത്തു. അസിസ്റ്റന്റ് കൃഷി ഡയറക്ടർ നന്ദിത റിപ്പോർട്ട് അവതരിപ്പിച്ചു. വികസനകാര്യ ചെയർപേഴ്സൺ എൻ.കെ ലീല സ്വാഗതം പറഞ്ഞു.