കേരള ക്ഷീര കര്‍ഷക ക്ഷേമനിധി ബോര്‍ഡ് നടപ്പിലാക്കുന്ന നടപ്പ് വര്‍ഷത്തെ വിദ്യാഭ്യാസ ധനസഹായത്തിന് അപേക്ഷ ക്ഷണിച്ചു. നിലവില്‍ സംഘത്തില്‍ പാല്‍ ഒഴിക്കുന്ന ക്ഷീര കര്‍ഷക ക്ഷേമനിധി അംഗങ്ങളുടെ മക്കള്‍ക്കാണ് ധനസഹായത്തിന് അര്‍ഹത. എസ്.എസ്.എല്‍.സി. പ്ലസ്ടു, ഗ്രാജുവേഷന്‍, പ്രൊഫഷണല്‍ എന്നീ തലങ്ങളിലാണ് ധനസഹായം അനുവദിക്കുന്നത്.

അപേക്ഷകര്‍ 2022-23 അക്കാദമിക് വര്‍ഷത്തില്‍ പഠനം പൂര്‍ത്തീകരിച്ചതും 2023-24 വര്‍ഷം യോഗ്യത സര്‍ട്ടിഫിക്കറ്റ് കരസ്ഥമാക്കിയവരും ആയിരിക്കണം. അപേക്ഷ ഡിസംബര്‍ രണ്ടിനകം കര്‍ഷകര്‍ പാല്‍ ഒഴിക്കുന്ന ക്ഷീരസംഘം മുഖേന ബ്ലോക്ക് തല ക്ഷീര വികസന യൂണിറ്റ് ഓഫീസില്‍ നല്‍കണം. കൂടുതല്‍ വിവരങ്ങള്‍ക്ക് വെബ്‌സൈറ്റ് www.kdfwf.org ഫോണ്‍ 04994 255390.