സംസ്ഥാന ക്ഷീര സംഗമം ‘പടവ് 2022 – 23’ ലേക്ക് ലോഗോ ക്ഷണിച്ചു. ഫെബ്രുവരി രണ്ടാം വാരം തൃശ്ശൂരില്‍ നടക്കുന്ന സംസ്ഥാന ക്ഷീര സംഗമം നടക്കുന്നത്. പടവ് ( പ്രാക്ടിക്കൽ അഗ്രോ ഡയറി
ആക്ടിവിറ്റീസ് ത്രൂ വാല്യൂ അഡിഷൻ ആൻഡ് കോ-ഓപ്പറേറ്റീവ് യൂണിഫിക്കേഷൻ ) എന്ന വാക്ക് ഉൾക്കൊള്ളണം. ക്ഷീര മേഖല, മൂല്യ വര്‍ദ്ധന, സഹകരണതത്വങ്ങള്‍ എന്നിവയിൽ അധിഷ്ഠിതമായ തരത്തിലായിരിക്കണം ലോഗോ. മുൻപ് പ്രസിദ്ധീകരിച്ചവയോ മത്സരത്തിന് അയച്ചവയോ ആയിരിക്കരുത്. ഒരാൾക്ക് ഒരു എൻട്രി മാത്രം നൽകാം. ലോഗോ ജനുവരി 21ന് വൈകിട്ട് അഞ്ചിനകം logo4sks@gmail.com എന്ന ഇ-മെയില്‍ വിലാസത്തില്‍ ലഭിക്കണം. തെരെഞ്ഞെടുക്കപ്പെടുന്ന ലോഗോ എഡിറ്റ് ചെയ്യുവാൻ കഴിയുന്ന ഫോർമാറ്റിലാകണം.