സ്കോള്-കേരള മുഖേന 2023-24 അധ്യയന വര്ഷം ഹയര്സെക്കന്ഡറി കോഴ്സ് രണ്ടാം വര്ഷ പ്രവേശനം, പുനഃപ്രവേശനം എന്നിവയ്ക്ക് www.scolekerala.org മുഖേന ജൂണ് 15 മുതല് 30 വരെ രജിസ്റ്റര് ചെയ്യാം. പ്രവേശനയോഗ്യതകളും, നിബന്ധനകളും, ഫീസ് ഘടനയും മറ്റ് വിശദാംശങ്ങളും വെബ്സൈറ്റില് കൊടുത്തിട്ടുള്ള വിജ്ഞാപനത്തിലും മാര്ഗരേഖയിലും ഉണ്ട്. സി.ബി.എസ്.ഇ, ഐ.സി.എസ്.ഇ, മറ്റ് സ്റ്റേറ്റ് ബോര്ഡുകള് മുഖേന ഒന്നാം വര്ഷ ഹയര്സെക്കന്ഡറി കോഴ്സ് പൂര്ത്തിയാക്കിയവര്ക്കും നിബന്ധനകള്ക്ക് വിധേയമായി പ്രവേശനം അനുവദിക്കും.
ഓണ്ലൈനായി രജിസ്റ്റര് ചെയ്ത അപേക്ഷയുടെ പ്രിന്റ് ഔട്ടും, നിര്ദിഷ്ഠ രേഖകളും എക്സിക്യൂട്ടീവ് ഡയറക്ടര്, സ്കോള്-കേരള, വിദ്യാഭവന്, പൂജപ്പുര പി.ഒ., തിരുവനന്തപുരം – 695 012 എന്ന വിലാസത്തില് നേരിട്ടോ സ്പീഡ്/രജിസ്ട്രേഡ് തപാല് മാര്ഗമോ ജൂലൈ അഞ്ചിനകം ലഭ്യമാക്കണം.